Dinosaur eggs: చైనాలో 8.5 కోట్ల ఏళ్ల క్రితం నాటి డైనోసార్‌ గుడ్ల తవ్వకాలు
ఈ వార్తాకథనం ఏంటి
భూగోళంపై ఒకప్పుడు భారీ డైనోసార్లు (రాక్షస బల్లులు) జీవించేవని మనకు తెలిసిందే. ఇవి ఎందుకు, ఎప్పుడు అంతరించిపోయాయో ఇప్పటికీ శాస్త్రజ్ఞులు పరిశీలిస్తూ ఉన్నారు. కొన్ని సిద్ధాంతాల ప్రకారం, భూమిని ఢీకొట్టిన గ్రహ శకలాలు లేదా వాతావరణ మార్పుల కారణంగా లక్షల సంవత్సరాల క్రితం డైనోసార్లు అంతరించిపోయినట్లు భావిస్తున్నారు. కానీ, చైనాలో ఇటీవల శాస్త్రవేత్తలు 85 మిలియన్ల (8.5 కోట్లు) సంవత్సరాల పూర్వం నాటి రాక్షస బల్లుల గుడ్లను కనుగొన్నారు. ఈ పరిశోధన డైనోసార్‌ చరిత్ర మనం ఊహించినదానికంటే పురాతనమైనదని చూపిస్తోంది.
Details
తవ్వకాలు, గుడ్ల తేది నిర్ధారణ
సెంట్రల్‌ చైనాలోని యూన్‌యాంగ్‌ బేసిన్ లోని ఖింగ్‌లాంగ్‌షాన్ ప్రాంతంలో తవ్వకాలు జరిపిన శాస్త్రవేత్తలు, రాక్షస బల్లుల గుడ్లను కనుగొన్నారు. ఈ గుడ్ల వయస్సు తెలుసుకోవడానికి కార్పొనేట్ యురేనియం-లెడ్ (U-Pb) డేటింగ్ పద్ధతి ఉపయోగించగా, ఈ గుడ్లు మారు 8.5 కోట్లు సంవత్సరాలుగా అక్కడే ఉన్నాయి. ఈ కాలాన్ని క్రెటాసియస్ పీరియడ్ అని అంటారు. ఆ సమయంలో భూమిపై గణనీయమైన వాతావరణ మార్పులు సంభవించాయి. అత్యంత వేడిగా ఉన్న వాతావరణం క్రమంగా చల్లబడడం ప్రారంభించిందని శాస్త్రవేత్తలు అంచనా వేస్తున్నారు.
Details
వాతావరణ మార్పులు వల్లే డైనోసార్లు అంతరించాయి
ఈ పరిణామమే డైనోసార్లు క్రమంగా అంతరించిపోవడానికి కారణమయ్యిందని తెలుస్తోంది. డైనోసార్‌ గుడ్ల విషయంలో కార్పొనేట్ యురేనియం-లెడ్ డేటింగ్ పరీక్ష చేయడం ఇదే తొలిసారి. ఈ పరిశోధన ఫలితాలను ఎర్త్ సైన్స్ పత్రికలో ప్రచురించారు. చైనాలోని ఖింగ్‌లాంగ్‌షాన్ తవ్వకాల్లో 8.5 కోట్లు ఏళ్ల పూర్వం నాటి డైనోసార్‌ గుడ్లు వెలికితీయడం, డైనోసార్‌ చరిత్రకు కొత్త క్రమాన్ని ఇచ్చింది. ఈ గణన ఆధారంగా, వాతావరణ మార్పులు డైనోసార్ల అంతరింపులో కీలక పాత్ర పోషించాయని శాస్త్రవేత్తలు విశ్లేషిస్తున్నారు.