Solar Eclipse 2025: 2025లో చివరి సూర్యగ్రహణం ఎప్పుడో తెలుసా?
ఈ వార్తాకథనం ఏంటి
జ్యోతిష్యశాస్త్రం,ఖగోళశాస్త్ర దృష్టిలో గ్రహణం అత్యంత ప్రాముఖ్యత కలిగిన సంఘటనగా భావించబడుతుంది.
ఇది కేవలం ఒక ఖగోళ సంఘటన మాత్రమే కాకుండా, ప్రపంచవ్యాప్తంగా ఉన్న అనేక మందిపై ఆధ్యాత్మికంగా, సాంప్రదాయపరంగా ప్రభావం చూపుతుందనే నమ్మకం ఉంది
2025 సంవత్సరంలో ఇప్పటివరకు రెండు గ్రహణాలు సంభవించాయి. మొదటిది మార్చి 14న, రెండవది మార్చి 29న..కానీ, ఈ రెండు గ్రహణాలు భారతదేశంలో కనిపించలేదు.
ప్రస్తుతం ప్రజల్లో ఆసక్తి మరింతగా పెరిగింది, ఎందుకంటే ఈ ఏడాది మరో సూర్య గ్రహణం ఎప్పుడు వస్తుంది అనే విషయం తెలుసుకోవాలని వారు ఉత్సాహంగా ఎదురు చూస్తున్నారు.
అంతేకాకుండా, ఈ గ్రహణానికి సంబంధించిన సూతకాలం వర్తించనుందా లేదా అన్నది కూడా చాలా మందికి ముఖ్యమైన అంశంగా మారింది.
వివరాలు
2025లో రెండవ సూర్యగ్రహణం ఎప్పుడూ?
2025 సంవత్సరంలో రెండవ,చివరి సూర్యగ్రహణం సెప్టెంబర్ 21వ తేదీన జరగనుంది.
ఇది ఆశ్వయుజ మాసం అమావాస్య రోజున ఏర్పడుతుంది. ఈ గ్రహణం రాత్రి 11:00 గంటల నుండి మొదలై, సెప్టెంబర్ 22వ తెల్లవారుజామున 3:24 గంటల వరకు కొనసాగుతుంది.
భారతదేశంలో ఈ గ్రహణం కనిపించనుందా?
ఇది చాలా మంది ఆసక్తిగా ఎదురుచూస్తున్న ప్రశ్న. మార్చిలో జరిగిన తొలి సూర్యగ్రహణం మాదిరిగానే, సెప్టెంబర్‌లో జరుగబోయే ఈ రెండవ సూర్యగ్రహణం కూడా భారతదేశంలో కనిపించదు.
దీనివల్ల, భారతదేశంలో సూతకాలం వర్తించదు. ఈ గ్రహణం ప్రధానంగా ఆస్ట్రేలియా, అంటార్కిటికా, అలాగే పసిఫిక్, అట్లాంటిక్ మహాసముద్రాలకు చెందిన కొన్ని ప్రాంతాలలో మాత్రమే కనిపించనుంది.