ఇకపై ప్రమాదకరమైన రోడ్ల గురించి అప్డేట్ చేసే Waze యాప్
Waze యాప్ పేరెంట్ సంస్థ అయిన గూగుల్ ట్రాఫిక్ డేటా ఆధారంగా ప్రమాదకరమైన సమీపంలోని రోడ్ల గురించి వినియోగదారులకు హెచ్చరిక చేసే కొత్త ఫీచర్ ను అందుబాటులోకి తీసుకురానుంది. Waze యాప్ బీటా విడుదలకు యాక్సెస్ ఉన్న దేశాలలో వినియోగదారులకు "డ్రైవర్‌లు ప్రయాణిస్తున్న రోడ్‌లలో 'క్రాష్‌ హిస్టరీ ' హెచ్చరికలను చూడవచ్చు" అనే పాప్ అప్ వచ్చిందని ఓ నివేదిక పేర్కొంది. గూగుల్ యాజమాన్యంలోని Waze యాప్ ట్రాఫిక్ డేటా ఆధారంగా ప్రమాదకరమైన సమీపంలోని రోడ్ల గురించి వినియోగదారులకు హెచ్చరిక చేసే కొత్త ఫీచర్ అందుబాటులోకి తీసుకురానుంది. Waze ఈ కొత్త బీటా వెర్షన్‌ని ఉపయోగిస్తున్నప్పుడు, సమీపంలోని హై-రిస్క్ రోడ్‌లు మ్యాప్‌లో ఎరుపు రంగులో ఉంటాయి.
త్వరలోనే సాధారణ ప్రజలకు అందుబాటులోకి రానున్న ఈ ఫీచర్
వినియోగదారులు తరచుగా ప్రయాణించే రోడ్ల విషయంలో ఇది ఉండకపోవచ్చని, కేవలం కొత్తగా లేదా దూరపు ప్రయాణాల విషయంలో ఈ ఫీచర్ ఈ నోటిఫికేషన్ పంపచ్చని కొన్ని నివేదికలు చెప్తున్నాయి. ఈ ఫీచర్ ముందుగా జాగ్రత్త పడటానికి డ్రైవర్ చుట్టూ ఉన్న ప్రమాదకరమైన రోడ్ల గురించి ఒక పాప్-అప్ నోటిఫికేషన్‌ను మాత్రమే ఇస్తుంది. ఈ ఫీచర్ ఇంకా బీటాలో ఉండగా, త్వరలో సాధారణ ప్రజలకు అందుబాటులోకి వస్తుందని నివేదికలో పేర్కొన్నారు. జూన్‌లో, టెక్ దిగ్గజం గూగుల్ Maps కోసం కొత్త ఫీచర్‌ను విడుదల చేసింది, అది ఇప్పుడు USలో Android, iOS వినియోగదారులకు గాలి నాణ్యతను చూపుతుంది. ఇది వినియోగదారులకు పొగమంచు, కాలుష్యం వంటి హెచ్చరికలు చేస్తుంది.
