Huawei Mate XTs: హువావే కొత్త Mate XTs ట్రై-ఫోల్డబుల్ ఫోన్ లాంచ్.. ఫ్లాగ్‌షిప్ ఫీచర్లతో అద్భుతం!
ఈ వార్తాకథనం ఏంటి
చైనా టెక్ దిగ్గజం 'హువావే' (Huawei) తన కొత్త ట్రై-ఫోల్డబుల్ స్మార్ట్‌ఫోన్ Mate XTsను అధికారికంగా చైనాలో లాంచ్ చేసింది. మూడు విధాలుగా మడవగల ఈ ఫోన్‌లో కిరిన్ 9020 చిప్‌సెట్ (Kirin 9020 chipset), 16GB RAM వంటి హై-ఎండ్ ఫీచర్లు ఉన్నాయి. ఇది HarmonyOS 5.1 ఆపరేటింగ్ సిస్టమ్‌పై నడుస్తుంది. బ్యాటరీ పరంగా, Mate XTsలో 5,600mAh బ్యాటరీను అమర్చారు. దీనికి 66W వైర్డ్ ఛార్జింగ్, 50W వైర్‌లెస్ ఛార్జింగ్, అలాగే 7.5W రివర్స్ వైర్‌లెస్ ఛార్జింగ్ సపోర్ట్ ఉంది. భద్రత కోసం సైడ్-మౌంటెడ్ ఫింగర్‌ప్రింట్ సెన్సార్‌ను ఇచ్చారు. అదనంగా, ఈ ఫోన్ M-Pen 3 స్టైలస్‌ను సపోర్ట్ చేస్తుంది. ఇది రిమోట్ కంట్రోల్, లేజర్ పాయింటర్‌లా కూడా ఉపయోగపడుతుంది.
Details
తన
కనెక్టివిటీ ఆప్షన్లలో Wi-Fi 6, NFC, Bluetooth 5.2, UWB, IR బ్లాస్టర్, శాటిలైట్ కమ్యూనికేషన్, USB Type-C పోర్ట్ ఉన్నాయి. ఈ ఫోన్ బరువు సుమారు 298 గ్రాములు కాగా, పూర్తిగా ఓపెన్ చేసినప్పుడు మందం కేవలం 3.6mm మాత్రమే ఉంటుంది. ధరల విషయానికి వస్తే- 16GB + 256GB వేరియంట్ ధరCNY 17,999 (సుమారు ₹2,22,300) 16GB + 512GB వేరియంట్ ధరCNY 19,999 (సుమారు ₹2,47,100) 16GB + 1TB వేరియంట్ ధరCNY 21,999 (సుమారు ₹2,71,900) Mate XTs ఫోన్ బ్లాక్, పర్పుల్, రెడ్, వైట్ కలర్ ఆప్షన్లలో లభ్యం కానుంది. ఈ ఫోన్ విక్రయాలు సెప్టెంబర్ 5 నుంచి హువావే ఆన్‌లైన్ స్టోర్లో ప్రారంభమవుతాయి.