Meta: త్వరలో ఏఐ బాట్స్‌ను పరిచయం చేయనున్న మెటా.. అసలేంటివి? ఏం చేస్తాయ్‌?
ఈ వార్తాకథనం ఏంటి
మెటా (Meta), ఫేస్‌ బుక్‌, ఇన్‌స్టాగ్రామ్‌ మాతృసంస్థ, కొత్త ఆవిష్కరణతో ముందుకొస్తోంది.
ఆర్టిఫిషియల్ ఇంటెలిజెన్స్ (AI) ఆధారంగా పనిచేసే ఏఐ బాట్స్‌ (Meta AI Bots)ను అభివృద్ధి చేసేందుకు యోచిస్తోంది.
ఈ ఏఐ బాట్స్‌ సాధారణ యూజర్ల తరహాలోనే అకౌంట్లను నిర్వహించగలవని సమాచారం.
టిక్‌టాక్‌, 'ఎక్స్' వంటి ఇతర సోషల్‌మీడియా ప్లాట్‌ఫామ్‌ల నుంచి వచ్చే గట్టి పోటీలో మెటా ఈ కొత్త ప్రయత్నం ద్వారా ముందంజ వేసేందుకు సిద్ధమవుతోంది.
వివరాలు
ఏఐ బాట్స్‌ ప్రత్యేకత ఏమిటి?
ఈ ఏఐ బాట్స్‌ సామాన్య యూజర్లలా ఫేస్‌బుక్‌, ఇన్‌స్టాగ్రామ్‌లో అకౌంట్లను నిర్వహిస్తాయి.
వాటికి ప్రొఫైల్ ఫొటోలు, బయో వంటి వివరాలు ఉంటాయి. కేవలం ఖాతా నిర్వహణే కాకుండా, కంటెంట్‌ను సృష్టించి పోస్ట్‌ చేయడం, ఇతర పోస్టులను లైక్‌ చేయడం, వాటిని పంచుకోవడం వంటి పనులు కూడా చేసేందుకు వీక్షణం కలిగి ఉంటాయి.
మెటా లక్ష్యం
మెటా ఏఐ విభాగం వైస్‌ ప్రెసిడెంట్‌ కన్నర్‌ హేస్‌ ప్రకారం, మెటా ప్లాట్‌ఫామ్‌లను మరింత ఆకర్షణీయంగా,వినోదాత్మకంగా మార్చడం లక్ష్యమని తెలిపారు. ఇప్పటికే మెటా ఏఐ చాట్‌బాట్‌లు, ఇన్‌స్టాగ్రామ్‌ డీఎంలో ఏఐ రైటింగ్‌ టూల్స్‌, కంటెంట్‌ క్రియేటర్ల కోసం ఏఐ అవతార్‌ వంటి సేవలను అందుబాటులోకి తీసుకొచ్చింది. ఇప్పుడు, ఏఐ బాట్స్‌ ఆధారంగా అకౌంట్లను కూడా పరిచయం చేయనుంది.
వివరాలు
ఆందోళనలు
అయితే, ఈ ఏఐ బాట్స్‌పై కొంత మంది ఆందోళన వ్యక్తం చేస్తున్నారు. ఇలాంటి ఏఐ ఆధారిత అకౌంట్ల ద్వారా తప్పుడు సమాచార ప్రచారం జరగొచ్చనే భయాలు ఉన్నట్లు విశ్లేషకులు అభిప్రాయపడుతున్నారు.
ఈ విధమైన సాంకేతికత మెటా సేవలకు ఎంతవరకు ఉపయోగపడుతుందో, అలాగే ప్రతికూలతలను ఎలా అధిగమిస్తుందో చూడాలి.