అంగాకరుడిపై రెండేళ్లు విజయవంతంగా పూర్తి చేసుకున్న నాసా రోవర్ మిషన్
నాసాకు చెందిన రోవర్ మిషన్ ఫిబ్రవరి 18 న అంగారక గ్రహంపై విజయవంతంగా రెండేళ్లను పూర్తి చేసింది. 2021లో ల్యాండింగ్ అయినప్పటి నుండి, అణుశక్తితో పనిచేసే ఆరు చక్రాల రోవర్ మార్టిన్ నమూనాలను సేకరిస్తోంది ఆ గ్రహం భౌగోళిక లక్షణాలను పరిశీలిస్తోంది. రోవర్ అక్కడ ఎన్నో విజయాలు సాధించింది, వాటిలో ఒకటి నమూనా డిపో నిర్మాణం. పర్సివెరెన్స్ రోవర్, పెర్సీ అనే పేరుతో, ఇంజెనిటీ హెలికాప్టర్‌తో పాటు, 2021లో అంగారకుడిపై ఉన్న జెజెరో క్రేటర్ వద్ద దిగింది. రోవర్ ప్రస్తుతం దాని మిషన్‌లో ఉంది. ఇటీవలే తన ప్రాథమిక మిషన్‌ను పూర్తి చేసింది, ఇది ఒక అంగారక గ్రహ సంవత్సరం పాటు కొనసాగింది, అంటే దాదాపు 687 భూమి రోజులు.
పెర్సీ 1,66,000 కంటే ఎక్కువ చిత్రాలను తీసింది
పెర్సీ 1,66,000 కంటే ఎక్కువ చిత్రాలను తీసింది. దాని సూపర్‌క్యామ్ డివైజ్ లోని మైక్రోఫోన్ 662 ఆడియో రికార్డింగ్‌లను చేసింది. అదే డివైజ్ మార్టిన్ డస్ట్ డెవిల్ శబ్దాన్ని రికార్డ్ చేసింది. రోవర్ రికార్డ్ చేసిన వాతావరణ డేటా 15,769.1 గంటలు. రోవర్ 15 రాక్ కోర్లను సేకరించింది, ఆ గ్రహంలో మొదటి నమూనా డిపోను సృష్టించింది." రోవర్ తన తదుపరి సైన్స్ ప్రచారం 'అప్పర్ ఫ్యాన్' ఫిబ్రవరి 15న ప్రారంభించింది. లోతైన విశ్లేషణ కోసం మార్స్ శాంపిల్ రిటర్న్ (MSR) ద్వారా మార్టిన్ నమూనాలను భూమికి తిరిగి తీసుకురావాలని ESAతో పాటు నాసా భావిస్తోంది, అది సాధ్యం కానీ పక్షంలో రోవర్ సృష్టించిన నమూనా డిపో బ్యాకప్‌గా పనిచేస్తుంది.
ఈ టైమ్ లైన్ ని షేర్ చేయండి