Perplexity Comet: ఆండ్రాయిడ్‌కు వచ్చేసిన పర్‌ప్లెక్సిటీ 'కోమెట్' AI బ్రౌజర్
ఈ వార్తాకథనం ఏంటి
పర్‌ప్లెక్సిటీ సంస్థ అభివృద్ధి చేసిన AI బ్రౌజర్ 'కోమెట్' ఇప్పుడు ఆండ్రాయిడ్ యూజర్లకు కూడా అందుబాటులోకి వచ్చింది. జూలైలో వచ్చిన డెస్క్‌టాప్ వెర్షన్‌కు మంచి స్పందన రావడంతో, అదే ఫీచర్లతో మొబైల్ యాప్‌ను రిలీజ్ చేశారు. ఇందులో కోమెట్ అసిస్టెంట్, వాయిస్ మోడ్ వంటి ప్రధాన ఫీచర్లు కూడా స్మార్ట్‌ఫోన్‌లకు తీసుకొచ్చారు. కొత్త ఆండ్రాయిడ్ వెర్షన్‌లో స్మార్ట్ సమ్మరైజేషన్ టూల్ ద్వారా ఓపెన్ చేసిన వెబ్ ట్యాబ్‌లను AI సరళంగా సారాంశంగా చూపిస్తుంది.
వివరాలు
పెర్‌ప్లెక్సిటీ వ్యూహం, భవిష్యత్తు ప్రణాళికలు
అలాగే బిల్ట్-ఇన్ యాడ్ బ్లాకర్ కూడా అందిస్తున్నారు. త్వరలోనే వెబ్‌సైట్లలో క్రాస్-సెర్చ్ చేయడానికి కాన్వర్సేషనల్ ఏజెంట్, అలాగే ఫుల్ ఫీచర్డ్ పాస్‌వర్డ్ మేనేజర్ కూడా ఇవ్వాలని ప్లాన్ చేస్తున్నారు. గూగుల్ ఆధిపత్యానికి సవాల్ విసరాలని పర్‌ప్లెక్సిటీ ప్రయత్నిస్తోంది. త్వరలోనే ఈ కోమెట్ బ్రౌజర్‌ను iOS డివైస్‌లకు కూడా తీసుకువచ్చే ఆలోచనలో ఉంది. అయితే మోటరోలా‌తో ఉన్న ఒప్పందంలో కోమెట్‌ను ముందే ప్రీ-ఇన్‌స్టాల్‌గా ఇస్తారా లేదా అన్నది ఇంకా స్పష్టం చేయలేదు. గూగుల్, ఓపెన్‌ఏఐ, ఓపెరా వంటి పెద్ద కంపెనీల పోటీ ఉన్నప్పటికీ, AI ఆధారిత ఇంటర్నెట్‌ను అందించాలనే తమ లక్ష్యంపై పర్‌ప్లెక్సిటీ ముందుకు సాగుతోంది.