Blue Origin: బ్లూ ఆరిజిన్కు దెబ్బ.. తప్పు కక్ష్యలో ఉపగ్రహం
ఈ వార్తాకథనం ఏంటి
అమెజాన్ వ్యవస్థాపకుడు జెఫ్ బెజోస్ కు చెందిన అంతరిక్ష సంస్థ బ్లూ ఆరిజిన్ మరోసారి సమస్యలు ఎదుర్కొంది. న్యూ గ్లెన్ రాకెట్ ప్రయోగంలో భాగంగా కస్టమర్ అయిన AST SpaceMobile ఉపగ్రహాన్ని సరైన కక్ష్యలో ప్రవేశపెట్టడంలో విఫలమైంది. ఆదివారం రాకెట్ను విజయవంతంగా మళ్లీ ఉపయోగించినప్పటికీ, "బ్లూబర్డ్ 7" ఉపగ్రహాన్ని ముందుగా ప్లాన్ చేసిన కక్ష్య కంటే తక్కువ ఎత్తులో ఉంచినట్లు సంస్థ తెలిపింది. ఈ లోపం ఉన్నప్పటికీ, ఉపగ్రహం రాకెట్ నుంచి వేరై సక్రమంగా ఆన్ అయిందని AST స్పేస్మొబైల్ వెల్లడించింది. అయితే అది ఉన్న ఎత్తు చాలా తక్కువగా ఉండటంతో సాధారణ కార్యకలాపాలు కొనసాగించడం సాధ్యం కాదని, దాన్ని తిరిగి డీ-ఆర్బిట్ చేయాల్సి ఉంటుందని తెలిపింది.
వివరాలు
న్యూ గ్లెన్ రాకెట్కు రెండో కస్టమర్ మిషన్
ఈ నష్టాన్ని బీమా ద్వారా భర్తీ చేసుకుంటామని కూడా కంపెనీ స్పష్టం చేసింది. మరోవైపు, మరికొన్ని బ్లూబర్డ్ ఉపగ్రహాలు సిద్ధంగా ఉన్నాయని, అవి త్వరలో ప్రయోగానికి రెడీ అవుతాయని పేర్కొంది. ఇది న్యూ గ్లెన్ రాకెట్కు రెండో కస్టమర్ మిషన్ కాగా, గతంలో నవంబర్లో నాసాకు చెందిన మార్స్ మిషన్ను విజయవంతంగా పూర్తి చేసింది. అయితే ఈసారి రెండో దశలో వచ్చిన లోపం వల్ల బ్లూ ఆరిజిన్ భవిష్యత్ ప్రణాళికలపై ప్రభావం పడే అవకాశం ఉంది. ముఖ్యంగా నాసా ఆర్టెమిస్ చంద్రయాన్ కార్యక్రమాల్లో కీలక పాత్ర పోషించాలని లక్ష్యంగా పెట్టుకున్న ఈ సంస్థకు ఇది చిన్న షాక్గా మారింది.
వివరాలు
చంద్రుడిపై దిగే ల్యాండర్ను పరీక్షించిన బ్లూ ఆరిజిన్
ఇటీవల చంద్రుడిపై దిగే ల్యాండర్ను కూడా బ్లూ ఆరిజిన్ పరీక్షించింది. ఈ ఏడాదిలోనే దాన్ని ప్రయోగించాలని భావిస్తోంది. న్యూ గ్లెన్ మూడో మిషన్లో ఈ ల్యాండర్ను పంపాలని అనుకున్నప్పటికీ, ఈసారి AST ఉపగ్రహాన్ని ముందుకు తీసుకొచ్చింది. ఈ సమస్య వచ్చినప్పటికీ, నాసాతో కలిసి చంద్ర మిషన్లను కొనసాగిస్తామని బ్లూ ఆరిజిన్ తెలిపింది.