WhatsApp: నిలిచిపోయిన వాట్సాప్.. భారత్‌తో పాటు పలు దేశాల్లో ఇబ్బందులు!
ఈ వార్తాకథనం ఏంటి
ప్రపంచవ్యాప్తంగా కోట్లాది మంది వాడే మెసేజింగ్ యాప్ 'వాట్సాప్' సోమవారం మధ్యాహ్నం అకస్మాత్తుగా పనిచేయడం ఆగిపోయింది. దీంతో వినియోగదారులు మెసేజ్‌లు పంపడం, స్వీకరించడం చేయలేకపోయారు. ఈ లోపం కారణంగా సాధారణ ప్రజలతో పాటు వ్యాపారులు కూడా తీవ్ర ఇబ్బందులు ఎదుర్కొన్నారు. సమస్య దాదాపు ఒక గంటపాటు కొనసాగింది. భారత్‌తో పాటు యూరప్, మిడిల్ ఈస్ట్, ఆఫ్రికా వంటి అనేక దేశాల్లో ఒకేసారి వినియోగదారులు ఇలాంటి ఇబ్బందులను ఎదుర్కొన్నారు. కొందరికి మెసేజ్‌లు పంపడం, రిసీవ్‌ చేయడం ఆగిపోగా, మరికొందరికి యాప్ పూర్తిగా పనిచేయలేదు. దీంతో చాలామంది ఇతర యాప్‌లను వాడడం మొదలుపెట్టగా, కొందరు సోషల్ మీడియాలో తమ సమస్యను పంచుకున్నారు.
Details
అధికారికంగా స్పందించని వాట్సాప్
ఈ సమస్యపై ఇప్పటివరకు వాట్సాప్ సంస్థ అధికారికంగా స్పందించలేదు. అయితే ఇది సాంకేతిక లోపం వల్ల జరిగి ఉండొచ్చని నిపుణుల అభిప్రాయం. ఇలాంటి అవాంతరాలు వాట్సాప్ చరిత్రలో ఇది మొదటిసారి కాదని, గతంలోనూ పలు సార్లు ఇలాగే సమస్యలు వచ్చి, సంస్థ వాటిని వేగంగా పరిష్కరించినట్లు గుర్తు చేశారు. భవిష్యత్తులో ఇలాంటి సమస్యలు పునరావృతం కాకుండా వాట్సాప్ అవసరమైన చర్యలు తీసుకుంటుందనే నమ్మకం ప్రజల్లో ఉంది. ఎందుకంటే రోజువారీ జీవితంలో వాట్సాప్ ఒక అంతర్భాగమైపోవడంతో, దాని సజావు పనితీరుపై అందరి ఆధారపడటం పెరిగింది. ఈ ఘటన వినియోగదారులకు ఒక హెచ్చరికలా నిలిచిపోయింది.