ఇకపై వాట్సాప్ లో నోటిఫికేషన్స్ నుండి కాంటాక్ట్స్ బ్లాక్ చేయచ్చు
నోటిఫికేషన్‌ల నుండి కాంటాక్ట్స్ బ్లాక్ చేసే ఫీచర్ ను వాట్సాప్ అభివృద్ధి చేస్తున్నట్లు ప్రకటించింది. పేరెంట్ సంస్థ మరో బ్లాక్ షార్ట్‌కట్‌పై పని చేస్తోంది. అయితే అది చాట్ లిస్ట్ నుండి యాక్సెస్ చేయాలి. రెండు ఫీచర్‌లు ప్రస్తుతం డెవలప్‌మెంట్, టెస్టింగ్‌లో ఉన్నాయి. రాబోయే వారాల్లో విడుదలయ్యే అవకాశం ఉంది. వాట్సాప్‌లో ప్రమోషనల్ మెసేజ్‌లు ఇప్పుడు సాధారణ విషయంగా మారింది. తెలియనివారి నుండి వచ్చే ఈ సందేశాలు నోటిఫికేషన్ టోగుల్‌కు దారితీసి ముఖ్యమైన సందేశాలు వెనక్కి వెళ్లిపోయేలా చేస్తున్నాయి. అందుకే వాట్సాప్ ఇటువంటి అవాంతరాలకు స్వస్తి పలకాలని ఈ అసంబద్ధ సందేశాలను నివారించాలని ఈ విధంగా నిర్ణయించుకుంది. ఈ కొత్త బ్లాక్ షార్ట్‌కట్ నోటిఫికేషన్‌ల నుండి సులభంగా, వేగంగా బ్లాక్ చేస్తుంది.
ఈ ఫీచర్ ద్వారా చాట్ లిస్ట్ నుండి కాంటాక్ట్ ను నేరుగా బ్లాక్ చేయచ్చు
ఆండ్రాయిడ్ బీటా అప్‌డేట్ 2.23.2.4లో భాగమైన మరో బ్లాక్ షార్ట్‌కట్‌పై కూడా వాట్సాప్ పని చేస్తోంది. ఈ ఫీచర్ ద్వారా చాట్ జాబితా నుండి కాంటాక్ట్ ను నేరుగా బ్లాక్ చేయచ్చు. ఈ ఫీచర్ కాంటాక్ట్‌ని బ్లాక్ చేయడాన్ని సులభతరం చేస్తుంది. ఇంతకు ముందు, సందేశాన్ని పంపినవారిని బ్లాక్ చేయడానికి చాట్‌ని తెరిచి అక్కడ బ్లాక్ చేయాలి. ఇటీవల వాట్సాప్ ఒక ప్రాక్సీ సపోర్ట్ ఫీచర్‌ను విడుదల చేసింది, ఇది యాప్ సర్వర్‌లకు వారి కనెక్షన్ వలన అంతరాయం కలిగినా లేదా బ్లాక్ అయినా కూడా యాప్‌ను ఉపయోగించడం కొనసాగించడానికి వినియోగదారులను అనుమతిస్తుంది. ఈ ఫీచర్ ఆండ్రాయిడ్, iOS వెర్షన్‌లలో అందుబాటులో ఉంది.
