X: ఎక్స్ యూజర్లకు గుడ్‌న్యూస్.. ఒకే పోస్ట్‌లో 20 ఫోటోలు,వీడియోలు!
ఈ వార్తాకథనం ఏంటి
సోషల్ మీడియా ప్లాట్‌ఫామ్ ఎక్స్ (X) తన యూజర్లకు మరో కొత్త ఫీచర్‌ను అందుబాటులోకి తీసుకొచ్చింది. ఇకపై ఒకే పోస్ట్‌లో గతంలో కంటే ఐదు రెట్లు ఎక్కువ ఫోటోలు, వీడియోలను షేర్ చేసుకునే అవకాశం కల్పించింది. ఇప్పటివరకు ఒక పోస్ట్‌లో గరిష్టంగా నాలుగు ఫోటోలు లేదా వీడియోలను మాత్రమే జత చేసే వీలుండేది. ట్విట్టర్‌గా ఉన్నప్పటి నుంచి గత పదేళ్లుగా ఇదే పరిమితి కొనసాగుతోంది.
వివరాలు
20 ఫైళ్ల వరకు షేర్ చేసుకునే అవకాశం
తాజా అప్‌డేట్‌లో భాగంగా ఈ పరిమితిని 20 ఫోటోలు, వీడియోలకు పెంచుతున్నట్లు ఎక్స్ ప్రకటించింది.
దీంతో యూజర్లు ఒకే పోస్ట్‌లో ఎక్కువ విజువల్ కంటెంట్‌ను పంచుకోవచ్చు.
గతంలో ఉన్న నాలుగు ఫైళ్ల పరిమితితో పోలిస్తే ఇప్పుడు ఐదు రెట్లు ఎక్కువ మీడియా ఫైళ్లను జత చేసే అవకాశం లభించింది.
ప్రస్తుతం ఈ కొత్త ఫీచర్ వెబ్ వెర్షన్‌లో పూర్తిస్థాయిలో అందుబాటులోకి వచ్చింది.
వివరాలు
20 ఫైళ్ల వరకు షేర్ చేసుకునే అవకాశం
మొబైల్ యాప్‌లో ఈ సదుపాయం ఇంకా కనిపించని యూజర్లు తమ ఐఓఎస్ (iOS), ఆండ్రాయిడ్ (Android) ఫోన్లలో ఎక్స్ యాప్‌ను తాజా వెర్షన్‌కు అప్‌డేట్ చేసుకోవాలని సంస్థ సూచించింది.
ఇదిలా ఉండగా.. గత వారం మొబైల్ యాప్‌లో డజనుకు పైగా కొత్త యాప్ ఐకాన్‌లను పరిచయం చేసిన ఎక్స్ సంస్థ, తాజాగా మీడియా షేరింగ్ పరిమితిని పెంచుతూ మరో కీలక అప్‌డేట్‌ను తీసుకొచ్చింది.
వరుసగా కొత్త ఫీచర్లను అందుబాటులోకి తీసుకొస్తూ యూజర్లను ఆకట్టుకుంటోంది.