Joe Root: జో రూట్ అరుదైన ఘనత.. 200 వన్డేలు ఆడిన ఇంగ్లండ్ మూడో క్రికెటర్‌గా రికార్డు!
ఈ వార్తాకథనం ఏంటి
ఇంగ్లండ్ స్టార్ బ్యాటర్ జో రూట్ మరో అరుదైన మైలురాయిని అందుకున్నాడు. ఇంగ్లండ్ జట్టు తరఫున 200 వన్డే మ్యాచ్‌లు ఆడిన ఆటగాడిగా రికార్డు సృష్టించాడు. ఆస్ట్రేలియాతో శుక్రవారం పెర్త్‌లోని ఆప్టస్ స్టేడియంలో ప్రారంభమైన మూడు వన్డేల సిరీస్‌లో తొలి మ్యాచ్ సందర్భంగా ఈ ఘనత సాధించాడు. దీంతో ఇంగ్లండ్ తరఫున 200 వన్డేలు ఆడిన మూడో క్రికెటర్‌గా నిలిచాడు. ఇప్పటికే వన్డేల్లో ఇంగ్లండ్ తరఫున అత్యధిక పరుగులు చేసిన బ్యాటర్‌గా రూట్ కొనసాగుతున్నాడు.
వివరాలు
మోర్గాన్, బట్లర్ సరసన జో రూట్
ఇంగ్లండ్ తరఫున 200 వన్డే మ్యాచ్‌లు ఆడిన ఆటగాళ్ల జాబితాలో జో రూట్ చేరాడు.
ఈ జాబితాలో మాజీ కెప్టెన్ ఇయాన్ మోర్గాన్ 225 మ్యాచ్‌లతో అగ్రస్థానంలో ఉండగా.. జోస్ బట్లర్ 204 మ్యాచ్‌లతో రెండో స్థానంలో ఉన్నాడు.
తాజాగా రూట్ 200 మ్యాచ్‌ల మైలురాయిని అందుకుని వీరి సరసన నిలిచాడు.
వివరాలు
వన్డేల్లో ఇంగ్లండ్ తరఫున అత్యధిక పరుగులు
వన్డే క్రికెట్‌లో జో రూట్ అద్భుతమైన గణాంకాలు నమోదు చేశాడు. ఇప్పటివరకు 187 ఇన్నింగ్స్‌ల్లో 50.37 సగటుతో 8,010 పరుగులు సాధించాడు.
ఇంగ్లండ్ తరఫున వన్డేల్లో అత్యధిక పరుగులు చేసిన బ్యాటర్‌గా కొనసాగుతున్నాడు.
ఇందులో 20 సెంచరీలు, 49 అర్ధ సెంచరీలు ఉన్నాయి.
వివరాలు
స్వదేశంలోనూ, విదేశాల్లోనూ అదరగొట్టిన రూట్
క్రిక్‌ఇన్ఫో గణాంకాల ప్రకారం.. స్వదేశంలో ఆడిన 102 వన్డేల్లో రూట్ 4,107 పరుగులు సాధించాడు. ప్రత్యర్థి జట్ల స్వదేశంలో ఆడిన 74 వన్డేల్లో 51.42 సగటుతో 3,034 పరుగులు నమోదు చేశాడు.
ఇందులో 8 సెంచరీలు, 18 అర్ధ సెంచరీలున్నాయి. ఇక తటస్థ వేదికలపై ఆడిన 23 వన్డేల్లో 43.45 సగటుతో 869 పరుగులు చేశాడు.
ఈ క్రమంలో 2 సెంచరీలు, 7 అర్ధ సెంచరీలు సాధించాడు. మొత్తంగా ఇంగ్లండ్ వన్డే క్రికెట్‌లో జో రూట్ తనదైన ముద్ర వేస్తున్నాడు.