Asia Cup: ఈనెల 30 నుంచి ఆసియా కప్.. ఓటములలో పాకిస్థానే అగ్రస్థానం!
ఈ వార్తాకథనం ఏంటి
ఆసియా కప్ టోర్నీ ఈ నెలాఖరు ప్రారంభం కానుంది. ఈ నెల 30 నుంచి మ్యాచులు జరగనున్నాయి.
2018 తర్వాత మళ్లీ ఈ టోర్నీని 50 ఓవర్ల ఫార్మాట్లో నిర్వహించనున్నారు. ఈ మెగా టోర్నీలోకి మొదటిసారిగా నేపాల్ జట్టు అడుగుపెట్టింది.
ఇప్పటిదాకా ఈ మెగా టోర్నీలో టీమిండియా జట్టు 49 మ్యాచులను ఆడింది. ఇందులో 31 మ్యాచుల్లో నెగ్గగా, 16 మ్యాచుల్లో ఓటమిపాలైంది. మరో రెండు మ్యాచులు డ్రాగా ముగిశాయి.
అయితే ఇప్పటివరకూ ఆరుసార్లు టైటిళ్లు గెలుపొందిన జట్టుగా భారత్ రికార్డుకెక్కింది.
మరోవైపు ఈ టోర్నీలో అత్యధిక మ్యాచులు ఓడిన జట్టుగా పాకిస్థాన్ జట్టు చెత్త రికార్డును మూటకట్టుకుంది.
Details
ఐదుసార్లు టైటిల్ ను గెలుచుకున్న శ్రీలంక జట్టు
పాకిస్థాన్ ఇప్పటివరకూ 45 మ్యాచులను ఆడింది. ఇందులో 26 మ్యాచులను గెలిచి, 18 మ్యాచులలో ఓటమిపాలైంది.
2014 నుంచి ఆసియా కప్ ఆడుతున్న అప్ఘనిస్తాన్ జట్టు 50 ఓవర్ల ఫార్మాట్లో మొత్తం 9 మ్యాచులను ఆడగా, అందులో కేవలం మూడు మ్యాచులనే గెలిచింది.
ఇక మెగా టోర్నీలో శ్రీలంక జట్టు మెరుగైన ప్రదర్శన చేస్తూ వస్తోంది. ఇప్పటివరకూ ఐదుసార్లు టైటిల్ ను ఎగరేసుకొనిపోయింది.
ఈ మెగా టోర్నీలో 50 మ్యాచులు ఆడిన శ్రీలంక జట్టు 34 మ్యాచుల్లో విజయాలను నమోదు చేసింది. 16 మ్యాచుల్లో ఓటమిపాలైంది.