BGT 2024-25: ఆస్ట్రేలియా సెలెక్ట‌ర్ల‌కు బిగ్ రిలీఫ్.. వార్న‌ర్ వారసుడిగా స‌రైనోడే దొరికాడు
ఈ వార్తాకథనం ఏంటి
మ‌రో రెండు వారాల్లో ఆస్ట్రేలియాలో బోర్డ‌ర్ గ‌వాస్క‌ర్ ట్రోఫీ ప్రారంభం కానుంది. ఓపెనింగ్ కాంబినేష‌న్ ఏర్ప‌డ‌క ఆస్ట్రేలియా సెలెక్ట‌ర్ల‌కు తల‌లు ప‌ట్టుకునే అవ‌స‌రం ప‌డింది.
కానీ, డేవిడ్ వార్న‌ర్ రిటైర్మెంట్ తరువాత ఉస్మాన్ ఖ‌వాజా జోడీని ఏర్పాటు చేసేందుకు మంచి ఆవ‌కాశం దొరికింది.
వార్న‌ర్ వారసుడిగా ఆడ‌గ‌ల నూత‌న ఆటగాడు నాథ‌న్ మెక్‌స్వీనే (Nathan McSweeney)పై సెలెక్ట‌ర్లు నమ్మకాన్ని చూపించారు.
అన్ని విషయాలు సరిగా జరిగితే, ఈ యువ క్రికెటర్ పెర్త్ టెస్టులో ఖ‌వాజాతో కలిసి ఆసీస్ ఇన్నింగ్స్ ఆరంభించే అవకాశం ఉన్నట్లు తెలుస్తోంది.
వివరాలు
ఆస్ట్రేలియా 'ఏ' జట్టు నుండి అద్భుత ప్రదర్శన
ఇండియా 'ఏ' జ‌ట్టుతో జరిగిన మ్యాచ్‌లో ఆస్ట్రేలియా 'ఏ' జట్టు ఆటగాడు నాథ‌న్ మెక్‌స్వీనే అద్భుత ప్రదర్శన కనబరిచాడు.
ఓపెనర్‌గా బరిలో దిగిన అతడు భార‌త బౌల‌ర్ల‌ను ఉతికేస్తూ 88 నాటౌట్‌గా నిలిచి జ‌ట్టుకు గెలుపు తెచ్చాడు.
కుడి చేతివాటం బ్యాటర్, స్పిన్నర్‌గా కూడా మంచి ప్రతిభ చూపిన ఈ యువ ఆటగాడు ఆసీస్ సెలెక్ట‌ర్ల‌కు నమ్మకాన్ని ఇచ్చాడు.
వివరాలు
టెస్టు అరంగేట్రం..
ఆస్ట్రేలియా మాజీ క్రికెటర్లు, మెక్‌స్వీనే టెస్టు అరంగేట్రానికి వేళయిందని అభిప్రాయపడుతున్నారు.
అదే జరిగితే, బోర్డ‌ర్ గ‌వాస్క‌ర్ ట్రోఫీలో ఖ‌వాజాకు జ‌త‌గా పెర్త్ టెస్టులో మెక్‌స్వీనే ఆసీస్ ఇన్నింగ్స్‌ను ప్రారంభించనుండటం ఖాయంగా కనిపిస్తోంది.
ఇదే సమయంలో, డేవిడ్ వార్న‌ర్ కూడా తన వారసుడిగా కమీరున్ బాన్‌క్రాఫ్ట్,మార్క‌స్ హ్యారీస్‌లను కాదు, మెక్‌స్వీనేను ఎంపిక చేసుకున్నాడు.
వివరాలు
బోర్డ‌ర్ గ‌వాస్క‌ర్ ట్రోఫీ - ఐదు ప‌ర్యాయాలు
నవంబ‌ర్ 22న భార‌త్, ఆసీస్‌ల మ‌ధ్య బోర్డ‌ర్ గ‌వాస్క‌ర్ ట్రోఫీ ప్రారంభం కానుంది. 1999 తర్వాత మొదటిసారిగా ఈ ట్రోఫీ ఐదు మ్యాచ్‌లుగా జరగనున్నది.
వ‌రుస‌గా రెండు సార్లు కంగారూల గ‌డ్డ‌పై బోర్డ‌ర్ గ‌వాస్క‌ర్ ట్రోఫీ గెలుచుకున్న భార‌త జట్టు, ఈసారి హ్యాట్రిక్ కొట్టేందుకు కృషి చేస్తోంది.
మ‌రోవైపు, ఆస్ట్రేలియా కెప్టెన్ ప్యాట్ క‌మిన్స్ తన సేనను మూడోసారి ఓటమి నుండి తప్పించేందుకు గట్టి పోరాటం చేయాలని సంక‌ల్పించారు.