Babar Azam: రోహిత్ రికార్డు బద్దలు కొట్టి.. సరికొత్త రికార్డు సృష్టించిన బాబర్ ఆజామ్
ఈ వార్తాకథనం ఏంటి
పాకిస్థాన్ స్టార్ క్రికెటర్‌ బాబార్ అజామ్ అంతర్జాతీయ టీ20 క్రికెట్‌లో కొత్త చరిత్ర సృష్టించాడు. ఈ ఫార్మాట్‌లో అత్యధిక పరుగులు చేసిన ఆటగాడిగా భారత మాజీ కెప్టెన్ రోహిత్ శర్మ పేరిట ఉన్న ప్రపంచ రికార్డును బద్దలు కొట్టాడు. దక్షిణాఫ్రికాతో శుక్రవారం జరిగిన రెండో టీ20 మ్యాచ్‌లో ఈ ఘనతను నమోదు చేశాడు. ఈ మ్యాచ్‌లో పాకిస్థాన్ 9 వికెట్ల తేడాతో ఘన విజయం సాధించి, మూడు మ్యాచ్‌ల సిరీస్‌ను 1-1తో సమం చేసింది. మ్యాచ్‌కు ముందు రోహిత్ శర్మ రికార్డు (4,231 పరుగులు)ను అధిగమించడానికి బాబర్ కేవలం 9 పరుగుల దూరంలో ఉన్నాడు.
Details
సత్తా చాటిన పాక్ బౌలర్లు
దక్షిణాఫ్రికా నిర్దేశించిన 111 పరుగుల లక్ష్య ఛేదనలో, స్పిన్నర్ డొనోవన్ ఫెరీరా బౌలింగ్‌లో లాంగ్‌-ఆఫ్‌ దిశగా సింగిల్‌ తీసి ఈ చారిత్రక మైలురాయిని చేరుకున్నాడు. ఈ మ్యాచ్‌లో 11 పరుగులతో నాటౌట్‌గా నిలిచిన బాబర్, తన టీ20 పరుగుల మొత్తాన్ని 4,234కు పెంచుకున్నాడు. మ్యాచ్ విషయానికొస్తే — పాక్ బౌలర్ల ధాటికి దక్షిణాఫ్రికా జట్టు 10 పరుగులకే కుప్పకూలింది. ఫాస్ట్ బౌలర్లు సల్మాన్ మీర్జా, ఫహీమ్ అష్రఫ్ కలిసి మొత్తం ఏడు వికెట్లు తీయడంతో సఫారీ బ్యాటింగ్ దెబ్బతింది. అనంతరం స్వల్ప లక్ష్య ఛేదనలో పాకిస్థాన్ ఓపెనర్ సయీమ్ అయూబ్‌ (38 బంతుల్లో 71 నాటౌట్) ధాటిగా ఆడి, కేవలం 13.1 ఓవర్లలోనే విజయాన్ని సాధించాడు.
Details
అంతర్జాతీయ టీ20ల్లో మూడు సెంచరీలు
దాదాపు ఏడాది తర్వాత టీ20 జట్టులోకి తిరిగి వచ్చిన బాబర్ ఆజం, తొలి మ్యాచ్‌లో డకౌట్‌గా వెనుదిరిగి నిరాశపరిచాడు. అయితే రెండో మ్యాచ్‌లో ప్రపంచ రికార్డు సృష్టిస్తూ, తన సత్తాను మరోసారి నిరూపించాడు. ఇప్పటివరకు బాబర్ ఆజం 130 టీ20లు ఆడి 3 సెంచరీలు, 36 హాఫ్ సెంచరీలు సాధించాడు. అయితే అతని 129 స్ట్రైక్ రేట్ తరచుగా విమర్శలకు గురవుతోంది. మరోవైపు, 159 టీ20లు ఆడిన రోహిత్ శర్మ గత ఏడాది టీ20 ప్రపంచకప్ అనంతరం ఈ ఫార్మాట్‌ నుంచి విరామం తీసుకున్న విషయం తెలిసిందే.