Babar Azam: పాకిస్థాన్ కెప్టెన్‌గా బాబర్ అజామ్‌ను నియమించే ఆలోచనలో పీసీబీ
ఈ వార్తాకథనం ఏంటి
2023 వన్డే ప్రపంచకప్‌లో పాకిస్థాన్ క్రికెట్ జట్టు ఘోర ప్రదర్శనకు నైతిక బాధ్యత వహిస్తూ బాబర్ ఆజం అన్ని ఫార్మాట్లలో కెప్టెన్సీకి గుడ్‌బై చెప్పినప్పటి నుండి పాకిస్థాన్ క్రికెట్ టీం వార్తల్లో నిలుస్తోంది. ఈ టోర్నమెంట్ తర్వాత పిసిబి షాహీన్ షా ఆఫ్రిది,షాన్ మసూద్‌లను వరుసగా కొత్త T20,టెస్ట్ కెప్టెన్‌లుగా ప్రకటించింది. జకా అష్రఫ్ నేతృత్వంలోని మేనేజ్‌మెంట్ కమిటీ,డైరెక్టర్ మిక్కీ ఆర్థర్ నేతృత్వంలోని కోచింగ్ సిబ్బంది తొలగింపును ఎదుర్కొన్నారు. మాజీ కెప్టెన్ మహ్మద్ హఫీజ్ జట్టు డైరెక్టర్‌గా,మాజీ పేసర్ వహాబ్ రియాజ్ ఎంపిక కమిటీకి నాయకత్వం వహించారు. గత నెలలో పీసీబీ అధ్యక్ష బాధ్యతల నుంచి తప్పుకున్న జకా అష్రఫ్ స్థానంలో మొహ్సిన్ నఖ్వీ వచ్చారు.అతడు మూడేళ్ల పాటు ఈ పదవిలో కొనసాగుతాడు.
Details
కెప్టెన్సీలో మార్పులు తరువాత అత్యంత దారుణంగా పాకిస్థాన్ టీం
అయితే ఇప్పుడు పిసిబి యూ టర్న్ తీసుకుని మళ్లీ బాబర్ ను కెప్టెన్‌గా నియమించే అవకాశాలు ఉన్నాయని ఇంటర్నెట్‌లో ఓ వార్త హల్‌చల్ చేస్తోంది. పాకిస్థాన్ క్రికెట్ బోర్డు కొత్త చైర్మన్ నియామకం తర్వాత బాబర్ ఆజం తిరిగి పాకిస్థాన్ కెప్టెన్‌గా మారే అవకాశం ఉందని పాకిస్థాన్ స్పోర్ట్స్ జర్నలిస్ట్ ఖాదిర్ ఖవాజా వెల్లడించారు. ఏది ఏమైనప్పటికీ, మసూద్‌ నాయకత్వంలో పాక్.. ఆస్ట్రేలియా చేతిలో వైట్‌వాష్‌(3 టెస్టులు) కాగా, అఫ్రిది కెప్టెన్సీలో న్యూజిలాండ్‌తో జరిగిన ఐదు మ్యాచ్‌ల టీ20 సిరీస్‌ను 1-4 తేడాతో చేజార్చుకుంది. దీంతో పాక్ క్రికెట్‌ను తిరిగి గాడిలో పెట్టేందుకు జట్టు సారథ్య బాధ్యతలను మళ్లీ బాబర్ ఆజంకే అప్పజెప్పాలని నఖ్వీ ఆలోచిస్తున్నట్లు పాక్ క్రికెట్ వర్గాలు తెలియజేస్తున్నాయి