Ishan Kishan: మళ్లీ టీమిండియాలో చోటు.. ఇషాన్ కిషన్ ఆసక్తికర వ్యాఖ్యలు!
ఈ వార్తాకథనం ఏంటి
న్యూజిలాండ్‌తో వన్డే సిరీస్‌లో మళ్లీ భారత జట్టులో చోటు దక్కించుకోవడంపై వికెట్ కీపర్ బ్యాటర్ ఇషాన్ కిషన్ సంతోషం వ్యక్తం చేశాడు. జట్టులోకి తిరిగి రావడం ఎప్పుడూ ఆనందంగా ఉంటుందని చెప్పాడు. ప్రస్తుతం టీమిండియా ఆటగాళ్లంతా మంచి మైండ్‌సెట్‌తో ఉన్నారని, ప్రతి ఒక్కరూ ఆటను ఆస్వాదిస్తూ తమ ప్రణాళికలను సమర్థంగా అమలు చేయడంపై దృష్టి పెట్టారని తెలిపాడు. టీ20లతో పోలిస్తే వన్డేల్లో నిలకడగా ఆడటం చాలా ముఖ్యమని, ఈ ఫార్మాట్‌లో మంచి భాగస్వామ్యాలు నిర్మించాలని పేర్కొన్నాడు. ఐదు వన్డేల సిరీస్‌లో భాగంగా నాలుగో మ్యాచ్ జరుగుతోంది. ఈ మ్యాచ్‌లో టీమిండియా కెప్టెన్ శ్రేయస్ అయ్యర్ టాస్ గెలిచి బౌలింగ్ ఎంచుకున్నాడు.
వివరాలు
ఒత్తిడిని కూడా ఆస్వాదించాలి
'మళ్లీ భారత జట్టులో చోటు దక్కించుకోవడం సంతోషంగా ఉంది. టీ20లతో పోలిస్తే వన్డేల్లో నిలకడగా ఆడటం ముఖ్యం. సహచరులతో కలిసి మంచి భాగస్వామ్యాలను నిర్మించాలి.
సొంతగడ్డపై న్యూజిలాండ్ చాలా బాగా ఆడుతుంది. అందుకే పక్కా ప్రణాళికతో బరిలోకి దిగడం, అనుకున్న వ్యూహాలను మైదానంలో అమలు చేయడం ముఖ్యం.
భారత క్రికెట్‌లో పోటీ ఎక్కువగా ఉంటుంది. కాబట్టి జట్టులో వచ్చిన అవకాశాలను సద్వినియోగం చేసుకోవాలి.
ఇతర విషయాల గురించి ఎక్కువగా ఆలోచించకుండా నా ఆటపైనే దృష్టి పెడతాను. జట్టుకు ఏది అవసరమో గుర్తించి, మంచి క్రికెట్ ఆడటమే నా లక్ష్యం. ఒత్తిడి సహజంగానే ఉంటుంది.
ఒక ప్రొఫెషనల్ క్రికెటర్‌గా ఒత్తిడితో కూడిన క్షణాలను కూడా ఆస్వాదించడం నేర్చుకోవాలని ఇషాన్ చెప్పాడు.
వివరాలు
ఐదో స్థానంలో బ్యాటింగ్‌పై ఏమన్నాడంటే?
టీ20, వన్డే ఫార్మాట్లలో బ్యాటింగ్ విధానం గురించి కూడా ఇషాన్ కిషన్ మాట్లాడాడు. వన్డేల్లో 50 ఓవర్ల ఆట కాబట్టి భాగస్వామ్యాలు నిర్మించడం చాలా ముఖ్యమని పేర్కొన్నాడు.
క్రీజులో ఎక్కువసేపు నిలబడితే జట్టుకు పరుగులు సాధించే అవకాశం ఉంటుందని, వ్యక్తిగత ప్రదర్శనలు కూడా జట్టు విజయానికి ఎంతగానో ఉపయోగపడతాయని తెలిపాడు.
పరిస్థితులకు తగినట్టుగా బ్యాటింగ్ చేయాలని వివరించాడు. 'ఈ సిరీస్‌లో ఐదో స్థానంలో బ్యాటింగ్ చేస్తాను. ఆ స్థానంలో పరిస్థితులకు అనుగుణంగా ఆడాలి.
కొన్ని సందర్భాల్లో భాగస్వామ్యాన్ని నిర్మించాల్సి ఉంటుంది.
వివరాలు
స్కోర్ వేగాన్ని పెంచాలి
మరికొన్ని సందర్భాల్లో స్కోరు వేగాన్ని పెంచాల్సి ఉంటుంది. మ్యాచ్ పరిస్థితులను విశ్లేషించి, జట్టు అవసరాలకు తగ్గట్టుగా ఆటను మార్చుకోవడమే వన్డేల్లో ముఖ్యం.
బాగా ఆడేందుకు ప్రయత్నిస్తా' అని స్పష్టం చేశాడు. చాలా రోజుల తర్వాత భారత జట్టులో తిరిగి అవకాశం దక్కించుకున్న ఇషాన్ కిషన్.. ఈ సిరీస్‌లో ఐదో స్థానంలో బ్యాటింగ్ చేయనున్నాడు.
ఈ స్థానంలో అతడు ఎలాంటి ప్రదర్శన చేస్తాడన్నది ఆసక్తికరంగా మారింది.