IPL 2025: ఆరెంజ్ ఆర్మీని ఉద్దేశించి భువీ ఉద్వేగపూరిత వ్యాఖ్యలు..
ఈ వార్తాకథనం ఏంటి
టీమిండియా వెటరన్‌ పేసర్ భువనేశ్వర్ కుమార్ ఆరెంజ్ ఆర్మీకి వీడ్కోలు పలికారు. సన్‌ రైజర్స్ హైదరాబాద్‌తో తన 11 సంవత్సరాల సుదీర్ఘ ప్రయాణం ముగిసిందని తెలిపారు. తనకున్న మధురమైన జ్ఞాపకాలను గుర్తుచేస్తూ భావోద్వేగంతో ఆయన ఈ నిర్ణయాన్ని తీసుకున్నారు. ఈ సందర్భంగా తన హృదయానికి అత్యంత సమీపంగా ఉన్న ఆ జట్టును ఉద్దేశించి భువీ ఉద్వేగపూరితంగా మాట్లాడారు.
వివరాలు
కరగని కావ్య మనసు!
సన్రైజర్స్ హైదరాబాద్, 2025 ఐపీఎల్ మెగా వేలం సమయానికి ముందే భువీని విడిచిపెట్టింది. అయితే, అతనిని తిరిగి కొనుగోలు చేయాలని సన్రైజర్స్ యజమాని కావ్యా మారన్‌ను అభిమానులు సోషల్ మీడియాలో విజ్ఞప్తి చేయగా, ఆర్థిక పరిస్థితులు దృష్ట్యా ఆ టీం అతడిని కొనుగోలు చెయ్యలేదు. భువీపై పోటీ 2025 వేలంలో భువనేశ్వర్ కుమార్ కోసం సన్రైజర్స్ ఎటువంటి ప్రయత్నం చేయలేదు, అయితే రాయల్ చాలెంజర్స్ బెంగళూరు (ఆర్సీబీ) అతనిపై ప్రాథమిక ఆసక్తి చూపింది. ప్రారంభ ధర రూ. 2 కోట్లు ఉండగా, ఆర్సీబీ ఈ డీల్‌ను రూ. 10.75 కోట్లకు ముగించగలిగింది. ముంబై ఇండియన్స్, లక్నో సూపర్ జెయింట్స్ ఈ డీల్ కోసం పోటీపడినప్పటికీ ఆర్సీబీ చివరకు విజయం సాధించింది.
వివరాలు
సన్రైజర్స్ టైటిల్‌ గెలవడంలో భువీది కీలక పాత్ర
2011లో ఐపీఎల్‌లో ఎంట్రీ ఇచ్చిన భువనేశ్వర్ కుమార్ 2013లో సన్రైజర్స్ హైదరాబాద్‌లో చేరాడు. 2016లో సన్రైజర్స్ తన ఐపీఎల్ టైటిల్‌ను గెలిచే సందర్భంలో భువీ కీలకమైన పాత్ర పోషించాడు. ఆ సమయంలో అతడు 23 వికెట్లు తీశాడు. 2017లో మరొకసారి అత్యుత్తమ ప్రదర్శనతో 26 వికెట్లు సాధించాడు, కానీ తరువాతి సంవత్సరాలలో అతనికి 20 వికెట్లు కూడా తీసే అవకాశం రావలేదు. దీంతో, సన్రైజర్స్ అతనిని వీడడమే ఉత్తమ నిర్ణయం అని భావించింది.
వివరాలు
భువీ మనసులో మాట
ఈ సందర్భంగా భువనేశ్వర్ కుమార్, ఎక్స్ ప్లాట్‌ఫారమ్‌లో ఆరెంజ్ ఆర్మీకి ఓ ఎమోషనల్ వీడియో షేర్ చేశారు. "11 ఏళ్ల అద్భుతమైన ప్రయాణానికి సన్‌రైజర్స్‌తో వీడ్కోలు. నాకు ఇక్కడ అనేక మరపురాని జ్ఞాపకాలు ఉన్నాయి. మీ ప్రేమను ఎప్పటికీ మర్చిపోలేను. మీరు ఇచ్చిన మద్దతే నాకు శక్తి. నా ప్రయాణాన్ని అద్భుతంగా మార్చినందుకు ధన్యవాదాలు," అని తెలిపారు. ఇప్పుడు, భువీ ఆర్సీబీ జెర్సీలో 2025 సీజన్‌లో కొత్త రూపంలో కనిపించబోతున్నాడు.