మహిళా క్రికెటర్‌ను పెళ్లాడబోతున్న చైన్నై ఓపెనర్ రుతురాజ్
ఐపీఎల్ 2023 విజేతగా చైన్నైసూపర్ కింగ్స్ జట్టు నిలిచింది. ఆ జట్టు ఓపెనర్ రుతురాజ్ గైక్వాడ్ చైన్నై విజయాల్లో కీలక పాత్ర పోషించాడు. ఈ యువ ప్లేయర్ త్వరలో పెళ్లి పీటలను ఎక్కనున్నాడు.రుతురాజ్ కాబోయే భార్యను ఐపీఎల్ ఫైనల్ అనంతరం జట్టు సభ్యులకు పరిచయం చేశాడు. ఐపీఎల్ ట్రోఫీతో ఇద్దరూ ఫోటోలకు కూడా ఫోజులిచ్చారు.గైక్వాడ్ కాబోయే భార్య పేరు ఉత్కర్ష అమర్ పవార్. అమె కూడా క్రికెటరే. పేస్ బౌలర్ అయిన ఉత్కర్ష మహరాష్ట్ర మహిళా క్రికెట్ జట్టు తరుపున ఆడింది. దేశవాళీలో 10 మ్యాచులు ఆడి 5 వికెట్లను పడగొట్టింది. ప్రస్తుతం ఆమె పుణేలోని న్యూట్రిషన్, ఫిటెనెస్ సైన్స్ ఇనిస్టిట్యూట్లో చదువుకుంటోంది. జూన్ 3న ఉత్కర్ష మెడలో రుతురాజ్ మూడుమూళ్లు వేయనున్నాడు.
రుతురాజ్ స్థానంలో లండన్ కు వెళ్లిన గైక్వాడ్
ప్రస్తుతం రుతురాజ్ గైక్వాడ్, ఉత్కర్ష పవార్ హల్దీ సంబరాలు ఫోటోలు సోషల్ మీడియాలో ట్రెండ్ అవుతున్నాయి. ఐపీఎల్ 2023 సీజన్‌లో 16 మ్యాచులాడిన గైక్వాడ్ 42.14 సగటుతో 590 పరుగులు చేశాడు. జూన్ నుంచి ఆస్ట్రేలియాతో జరగనున్న డబ్య్లూటీసీ ఫైనల్ కు రుతురాజ్ గైక్వాడ్ ను సెలక్టర్లు ఎంపిక చేసిన విషయం తెలిసిందే. అయితే పెళ్లి కారణంగా ఈ టెస్టు మ్యాచుకు అతను దూరమయ్యాడు. అతని స్థానంలో యశస్వి జైస్వాల్ లండన్ కు వెళ్లాడు.
