అంతర్జాతీయ మ్యాచ్‌ల్లో సరికొత్త రికార్డును నెలకొల్పిన క్రిస్టియానో రొనాల్డో
అంతర్జాతీయ మ్యాచ్‌ల్లో ఫుట్‌బాల్ స్టార్ ఆటగాడు క్రిస్టియానో రొనాల్డో సరికొత్త రికార్డును నెలకొల్పాడు. UEFA యూరో 2024 క్వాలిఫయర్స్ మ్యాచ్‌లో 4-0తో లీచ్‌టెన్‌స్టెయిన్‌ను ఓడించడంతో క్రిస్టియానో రొనాల్డో ఈ అరుదైన ఫీట్ ను సాధించాడు. రొనాల్డో ప్రస్తుతం 197 అంతర్జాతీయ మ్యాచ్‌లు ఆడి చరిత్ర సృష్టించాడు. అతడు 2003లో అంతర్జాతీయ అరంగేట్రం చేశాడు. రికార్డు స్థాయిలో 120 గోల్స్ చేసి సంచలన రికార్డును తన పేరిట రాసుకున్నాడు. ముఖ్యంగా రొనాల్డో 2022లో ఖతార్‌లో జరిగే ఫీఫా ప్రపంచ కప్‌లో బాడర్ రికార్డును సమం చేశాడు.
100 గోల్స్ చేసిన మొదటి ఆటగాడిగా రొనాల్డో
పురుషుల అంతర్జాతీయ ఫుట్‌బాల్‌లో 100 గోల్స్ చేసిన మొదటి ఆటగాడిగా రొనాల్డో నిలిచాడు. రొనాల్డో యూరోపియన్ ఛాంపియన్‌షిప్ ఫైనల్స్‌లో అత్యధికంగా 14 గోల్స్ చేశాడు. ప్రపంచ కప్ ఫైనల్ లో 22 గోల్స్ సాధించాడు. అంతర్జాతీయ ఫుట్‌బాల్‌లో 10 హ్యాట్రిక్‌లు సాధించిన తొలి ఆటగాడు కూడా రొనాల్డ్ నిలిచాడు. గతేడాది ఖతార్‌లో ఐదు ప్రపంచకప్‌లలో గోల్‌ చేసిన తొలి ఆటగాడిగా చరిత్రకెక్కాడు. పోర్చుగల్ 35 ప్రయత్నాల్లో 11సార్లు లక్ష్యాన్ని చేరుకుంది. బంతిని 83శాతం తన అధీనంలో ఉంచుకుంది.
