Gautam Gambhir: గౌతమ్‌ గంభీర్‌ ఎంపిక చేసిన మోస్ట్‌ స్టైలిష్‌ క్రికెటర్‌ ఎవరో తెలుసా..?
ఈ వార్తాకథనం ఏంటి
మరికొన్ని రోజుల్లో యూఏఈ వేదికగా ఆసియా కప్‌ (Asia Cup) ప్రారంభం కానున్న విషయం తెలిసిందే. ఈ నేపథ్యంలో టీమిండియా (Team India) హెడ్ కోచ్‌ గౌతమ్‌ గంభీర్‌ (Gautam Gambhir) తనకు దొరికిన చిన్న విరామాన్ని ఆనందంగా గడుపుతున్నాడు. తాజాగా ఆయన దిల్లీ ప్రీమియర్‌ లీగ్‌లో జరిగిన ఓ మ్యాచ్‌ను వీక్షించేందుకు హాజరయ్యారు. ఈ సందర్భంగా జరిగిన రాపిడ్‌ ఫైర్‌ ప్రశ్నోత్తర కార్యక్రమంలో పాల్గొని ఆసక్తికర సమాధానాలు ఇచ్చారు. గంభీర్‌ అభిప్రాయం ప్రకారం క్లచ్‌ ప్లేయర్‌గా సచిన్‌ టెండూల్కర్‌, దేశీ బాయ్‌గా విరాట్‌ కోహ్లీ, స్పీడ్‌కి జస్‌ప్రీత్‌ బుమ్రా, గోల్డెన్‌ ఆర్మ్‌గా నితీశ్‌ రాణా నిలిచారు.
Details
మోస్ట్‌ స్టైలిష్‌గా శుభ్‌మన్‌ గిల్‌
అలాగే మోస్ట్‌ స్టైలిష్‌గా శుభ్‌మన్‌ గిల్‌, మిస్టర్‌ కన్సిస్టెంట్‌గా రాహుల్‌ ద్రవిడ్‌, రన్‌ మెషీన్‌గా వీవీఎస్‌ లక్ష్మణ్‌, మోస్ట్‌ ఫన్నీగా రిషభ్‌ పంత్‌ను ఎంపిక చేశాడు. డెత్‌ ఓవర్ల స్పెషలిస్ట్‌గా బుమ్రాను ఎంచుకోవాలని అనుకున్నప్పటికీ, ఇప్పటికే స్పీడ్‌ విభాగానికి అతన్ని ఎంపిక చేసినందువల్ల జహీర్‌ ఖాన్‌ పేరును వెల్లడించారు. ఇలా గంభీర్‌ తన అభిప్రాయాలను స్పష్టంగా తెలియజేస్తూ క్రికెట్‌ అభిమానులను ఆకట్టుకున్నారు.