దులీప్ ట్రోఫీ 2023: విజృంభించిన శివమ్ మావి
2023 దులీప్ ట్రోఫీలో భాగంగా తొలి సెమీ ఫైనల్లో రైట్ ఆర్మ్ పేసర్ శివమ్ మావి విజృంభించాడు. తొలుత ఈ మ్యాచులో సెంట్రల్ జోన్, వెస్ట్ జోన్ జట్లు తలపడ్డాయి. మొదట బ్యాటింగ్ చేసిన వెస్ట్ జోన్ 220 పరుగులకు ఆలౌటైంది. ఈ మ్యాచులో కెప్టెన్ శివమ్ మావి ఆరు వికెట్లతో చెలరేగడంతో వెస్ట్ జోన్ తక్కువ స్కోరుకే చాప చుట్టేసింది. శివమ్ మావి దెబ్బకు వెస్ట్ జోన్ బ్యాటర్లు పెవిలియానికి క్యూ కట్టారు. 19.5 ఓవర్లలో 6 వికెట్లు తీసి వెస్ట్ జోన్ జట్టును హడలెత్తించాడు. ఫస్ట్-క్లాస్ క్రికెట్‌లో అతనికి ఇదే బెస్ట్ రికార్డు కావడం విశేషం.
నిరాశపరిచిన సూర్యకుమార్ యాదవ్, సర్ఫరాజ్ ఖాన్
చతేశ్వర్ పుజారా, సూర్యకుమార్ యాదవ్, సర్ఫరాజ్ ఖాన్ వంటి కీలక ఆటగాళ్ల వికెట్లు తీసి సెంట్రల్ జట్టును శివమ్ మావి అదుకున్నాడు. ఈ స్పీడ్‌స్టర్ 18-ప్లస్ క్లాస్ క్రికెట్ మ్యాచుల్లో 59 వికెట్లు పడగొట్టాడు. వెస్ట్ జోన్ తరుపున అతిత్ షెత్ (74), ఆల్ రౌండర్ ధర్మేంద్రసింగ్ జడేజా 39 పరుగులు చేయడంతో వెస్ట్ జోన్ 200 పరుగుల మార్కును దాటింది. మిగతా స్టార్ బ్యాటర్లు పృథ్వీ షా (26), ప్రియాంక్ పంచల్ (13), పుజారా (28) నిరాశపరిచారు. ముఖ్యంగా సూర్యకుమార్ యాదవ్ (7), సర్ఫరాజ్ (0) దారుణంగా విఫలమయ్యారు.
