సౌతాఫ్రికా టీ20 లీగ్‌లో ఫాఫ్ డుప్లెసిస్ సూపర్ సెంచరీ
సౌతాఫ్రికా టీ20 లీగ్‌లో బెంగళూరు రాయల్ చాలెంజర్స్ ఆటగాడు ఫాప్ డుప్లెసిస్ దుమ్మురేపుతున్నాడు. లక్నో సూపర్ జెయింట్స్‌కు చెందిన డర్బన్స్ సూపర్ జెయింట్స్ టీమ్‌తో జరిగిన మ్యాచ్‌లో సెంచరీతో చెలరేగాడు. 86 బంతుల్లో 8ఫోర్లు, 8 సిక్సర్లతో 113 పరుగులు చేసి అజేయంగా నిలిచిన ఫాఫ్ డుప్లెసిస్.. సౌతాఫ్రికా టీ20 లీగ్‌లో తొలి సెంచరీ నమోదు చేసిన క్రికెటర్‌గా చరిత్రకెక్కాడు. దీంతో జోబర్గ్ సూపర్ కింగ్స్ 8 వికెట్లతో డర్బన్స్ సూపర్ జెయింట్స్‌ను ఓడించింది. వాండరర్స్ స్టేడియంలో 179 పరుగుల ఛేదనకు దిగిన సూపర్ కింగ్స్ ఓపెనర్లు డు ప్లెసిస్, రీజా హెండ్రిక్స్ ఓపెనింగ్ వికెట్‌కు 157 పరుగులు కీలక భాగస్వామ్యాన్ని నెలకొల్పారు.
అత్యధిక పరుగులు చేసిన రెండో ఆటగాడిగా రికార్డు
డు ప్లెసిస్ సౌతాఫ్రికా టీ20 లీగ్‌లో ఏడు మ్యాచ్‌లు ఆడి 46.17 సగటుతో 277 పరుగులతో రాణించాడు. ప్రస్తుతం ఈ సీజన్‌లో అత్యధిక పరుగులు చేసిన రెండో ఆటగాడిగా నిలిచాడు. పార్ల్ రాయల్స్‌కు చెందిన జోస్ బట్లర్ (285) పరుగులు చేసి మొదటి స్థానంలో ఉన్నాడు. ఏడు మ్యాచ్‌లు ఆడిన సూపర్ కింగ్స్ ప్రస్తుతం పాయింట్ల పట్టికలో నాలుగో స్థానంలో ఉంది. ఈ జట్టుకు ఇంకా మూడు మ్యాచ్‌లు మిగిలి ఉన్నాయి. ఈ మ్యాచ్‌లో గెలిస్తే సెమీ-ఫైనల్‌లో చోటు దక్కే అవకాశం ఉంది. డుప్లెసిస్ ఇప్పటివరకూ 325 టీ20 మ్యాచ్‌లు ఆడాడు. 31.18 సగటుతో 8,514 పరుగులు సాధించి రికార్డు సాధించాడు.
