WPL: ఢిల్లీ క్యాపిటల్స్‌పై గుజరాత్ జెయింట్స్ విజయం.. ఫ్లేఆఫ్ ఆశలు సజీవం
మహిళల ప్రీమియర్ లీగ్ 14వ మ్యాచ్ లో గుజరాత్ జెయింట్స్ ఆల్ రౌండర్ ప్రదర్శనతో సత్తా చాటింది. ఉత్కంఠ పోరులో ఢిల్లీ క్యాపిటల్స్‌పై 11 పరుగుల తేడాతో విజయం సాధించింది. దీంతో టోర్నమెంట్ లో రెండో విక్టరీని నమోదు చేసింది. ఈ మ్యాచ్ లో విజయం సాధించి ఫ్లేఆప్‌కి ప్రవేశించాలని అనుకున్న ఢిల్లీ నిరాశే మిగిలింది. గుజరాత్ జాయింట్స్ ఆరు మ్యాచ్‌లో రెండు విజయాలతో నాలుగు పాయింట్లు సాధించింది. ప్రస్తుతం పాయింట్ల పట్టికలో చివరి నుంచి రెండో స్థానంలో ఉంది. చేజింగ్ లో ఢిల్లీ బ్యాటర్లు విఫలం కావడంతో ఈ లీగ్‌లో ఢిల్లీ క్యాపిటల్స్ రెండో ఓటమిని చవి చూసింది.
అష్ గార్డ్‌నర్‌కి ప్లేయర్ ఆఫ్ ది మ్యాచ్
తొలుత బ్యాటింగ్ చేసిన గుజరాత్ జెయింట్స్ 20 ఓవర్లలో 4 వికెట్ల నష్టానికి 147 పరుగులు సాధించింది. ఓపెన‌ర్ లారా వోల్వార్డ్త్‌(57), అష్ గార్డ్‌న‌ర్ (51) అర్ధ శ‌త‌కాల‌తో రాణించారు. లక్ష్య చేధనకు దిగిన ఢిల్లీకి శుభారంభం లభించలేదు. రెండో ఓవర్లోనే షఫాలీ వర్మ(8) బౌల్డ్ అయింది. ఆ తర్వాత స్వల్ప వ్యవధిలోనే మూడు వికెట్లను కోల్పోయింది. 52 పరుగులకే నాలుగు వికెట్లు కోల్పోయి ఢిల్లీ కష్టాల్లో పడింది. చివర్లో అరుంధతి రెడ్డి (25) బ్యాట్ ఝుళిపించినా, తానియా భాటియా(0), రాధాయాదవ్ విఫలమయ్యారు. దీంతో ఢిల్లీ ఓటమిపాలైంది. ఢిల్లీ తరుపున అష్ గార్డ్ నర్(51) అర్ధ సెంచరీతో పాటు రెండు వికెట్లు తీయడంతో ఆమెకు ప్లేయర్ ఆఫ్ ది మ్యాచ్ అవార్డు దక్కింది.
