Hardik Pandya: హార్దిక్ పాండ్యా-నటాసా స్టాంకోవిచ్ విడిపోతున్నట్లు ప్రకటన
భారత క్రికెట్ జట్టు ఆల్ రౌండర్ హార్దిక్ పాండ్యా నటాషా స్టాంకోవిచ్‌తో విడాకులు తీసుకున్నట్లు ప్రకటించాడు. ఈ విషయాన్ని భారత క్రికెటర్ సోషల్ మీడియా వేదికల ద్వారా పంచుకున్నాడు. పరస్పర అంగీకారంతో తాను, నటాషా తమ 4 సంవత్సరాల సంబంధాన్ని ముగించుకున్నట్లు హార్దిక్ రాశారు. కొంతకాలంగా సోషల్ మీడియాలో ఇద్దరి మధ్య విభేదాల గురించి నిరంతరం ఊహాగానాలు జరుగుతున్న విషయం తెలిసిందే.
హార్దిక్ ఇన్‌స్టాగ్రామ్‌లో పోస్ట్ చేశాడు
హార్దిక్, నటాషా తమ తమ ఇన్‌స్టాగ్రామ్ హ్యాండిల్స్‌లో ఒక ప్రకటనను పంచుకున్నారు. '4 సంవత్సరాలు కలిసి జీవించిన తరువాత, నటాషా, నేను పరస్పర అంగీకారంతో విడిపోవాలని నిర్ణయించుకున్నాము. ఇది మాకు కఠినమైన నిర్ణయం.అగస్త్యకు మంచి తల్లితండ్రులుగా ఉంటాం.ఈ కష్ట సమయంలో మా ప్రైవసీని మీరు గౌరవిస్తూ,సపోర్ట్ చేయాలనికోరుకుంటున్నాను' అని హార్దిక్ పోస్ట్‌లో పేర్కొన్నారు.
హార్దిక్-నటాషా 2020లో పెళ్లి చేసుకున్నారు
హార్దిక్ 2020లో నటాషాకు పెళ్లికి ప్రపోజ్ చేశాడు. మే 2020లో లాక్‌డౌన్ సమయంలో వారిద్దరూ వివాహం చేసుకున్నారు. వారిద్దరికీ జూలై 30, 2020న ఒక కుమారుడు జన్మించాడు, అతని పేరు అగస్త్య పాండ్య. గతేడాది ప్రేమికుల రోజున ఉదయపూర్‌లో హార్దిక్, నటాషా మళ్లీ పెళ్లి చేసుకున్నారు. ఆ తర్వాత క్రిస్టియన్, హిందూ సంప్రదాయాల ప్రకారం ఈ జంట ఒకరితో ఒకరు ముడి పడ్డారు.
