Aniket Sharma: వచ్చాడు, సిక్స్‌లు బాదాడు, వెళ్లిపోయాడు.. ఎవరీ అనికేత్ శర్మ?
ఈ వార్తాకథనం ఏంటి
ఐపీఎల్లో భాగంగా గురువారం జరిగిన మ్యాచ్లో లఖ్నవూ సూపర్ గెయింట్స్ (LSG) హైదరాబాద్‌ను ఓడించింది.
సీజన్‌లో తొలి విజయంతో ఊపుమీదున్న సన్‌ రైజర్స్‌ హైదరాబాద్ (SRH)ను కట్టడి చేసినా, వారి వేగాన్ని పూర్తిగా నిలువరించలేకపోయింది.
ముఖ్యంగా ఆరో స్థానంలో వచ్చిన అనికేత్ వర్మ తన మెరుపు ఇన్నింగ్స్‌తో అభిమానులను ఆకట్టుకున్నాడు. ఉప్పల్ స్టేడియం అతడి సిక్స్‌లతో దద్దరిల్లిపోయింది.
సన్రైజర్స్ ఓడిపోయినా, అనికేత్ వర్మ చెలరేగిన బ్యాటింగ్ గురించే చర్చ జరుగుతోంది.
Details
276.92 స్ట్రైక్ రేట్‌తో విరుచుకుపడ్డ అనికేత్
సన్రైజర్స్ బ్యాటర్ హెన్రిచ్ క్లాసెన్ అవుటైన తర్వాత క్రీజులోకి వచ్చిన అనికేత్ వర్మ, అప్పటికే వికెట్లు కోల్పోయి కష్టాల్లో ఉన్న జట్టుకు ఊరట కలిగించాడు.
వచ్చీ రాగానే సిక్స్‌ల వర్షం కురిపించి 276.92 స్ట్రైక్ రేట్‌తో కేవలం 13 బంతుల్లో 36 పరుగులు చేశాడు.
అతడి మెరుపు ఇన్నింగ్స్‌ కారణంగా SRH 190/9 అనే గౌరవప్రదమైన స్కోర్ సాధించింది.
రవి బిష్ణోయ్ బౌలింగ్‌లో రెండు సిక్స్‌లు, దిగ్వేశ్‌ బౌలింగ్‌లో మరో రెండు సిక్స్‌లు బాదిన అనికేత్ చివరికి డేవిడ్ మిల్లర్‌కు క్యాచ్ ఇచ్చి పెవిలియన్ చేరాడు.
Details
అనికేత్ క్రికెట్ ప్రస్థానం
ఉత్తర్ప్రదేశ్లోని ఝాన్సీకి చెందిన 22 ఏళ్ల అనికేత్ వర్మ, దేశవాళీ క్రికెట్‌లో మధ్యప్రదేశ్ తరఫున ప్రాతినిధ్యం వహించాడు.
ఐపీఎల్‌లోకి రాకముందు సయ్యద్ ముస్తాక్ అలీ ట్రోఫీలో ఒక్క టీ20 మ్యాచ్ ఆడాడు.
ఈ రైట్ హ్యాండ్‌ బ్యాటర్ పాటు రైట్ ఆర్మ్‌ మీడియం పేసర్‌ కూడా. కర్ణాటకతో జరిగిన అండర్-23 మ్యాచ్లో అతడి ప్రతిభ వెలుగులోకి వచ్చింది.
చెన్నైలో జరిగిన బుచ్చిబాబు ఇన్విటేషనల్ టోర్నమెంట్‌తో పాటు ఇతర ఫార్మాట్లలోనూ అనికేత్ సెంచరీలు బాదాడు.
Details
MPPLలో మెరుపు ప్రదర్శన
మధ్యప్రదేశ్ ప్రీమియర్ లీగ్ (MPPL)లో భోపాల్ లెపార్డ్స్ తరఫున అనికేత్ ఆడాడు. అక్కడ వరుసగా 200కి పైగా స్ట్రైక్ రేట్‌తో బ్యాటింగ్ చేసి తనదైన మార్క్‌ క్రియేట్‌ చేశాడు.
ఓ మ్యాచ్లో 41 బంతుల్లోనే 13 సిక్స్‌లతో 123 పరుగులు చేశాడు. అదే లీగ్‌లో అతడి అత్యధిక స్కోర్.
MPPLలో 32 బంతుల్లో వరుసగా మూడు సిక్స్‌లతో సెంచరీ చేయడంతో పాటు, అత్యంత వేగంగా హాఫ్‌ సెంచరీ చేసిన రికార్డు కూడా అనికేత్ పేరునే ఉంది.
ఐదు ఇన్నింగ్స్‌ల్లో 244 పరుగులు చేసి అందరి దృష్టిని ఆకర్షించాడు.
Details
ఐపీఎల్‌లోకి అనికేత్ ఎంట్రీ
గతేడాది జరిగిన ఐపీఎల్ వేలంలో సన్రైజర్స్ హైదరాబాద్ అనికేత్‌ను రూ.30 లక్షల బేస్‌ ప్రైస్‌కు కొనుగోలు చేసింది.
అద్భుతమైన హిట్టింగ్‌ సామర్థ్యం కారణంగా భవిష్యత్తులో SRHకు కీలక ఆటగాడిగా మారే అవకాశం ఉంది.
ట్విట్టర్ పోస్ట్ చేయండి
సిక్సర్లతో విరుచుకపడ్డ అనికేత్ శర్మ
The biggest positive from the match
— Chakri Goud 🧡🦅 (@Chakrigoud2211) March 27, 2025
Aniket verma 👑🧡pic.twitter.com/tKhpBLR2dX