ICC: ఐసీసీ కీలక నిర్ణయం.. విరాట్ కోహ్లీ మ్యాచ్ ఫీజులో 20 శాతం జరిమానా
ఈ వార్తాకథనం ఏంటి
మెల్‌బోర్న్ క్రికెట్ గ్రౌండ్‌లో భారత్-ఆస్ట్రేలియా మధ్య జరుగుతున్న టెస్టు సిరీస్‌లో నాలుగో మ్యాచ్ జరుగుతోంది.
ఆస్ట్రేలియా కెప్టెన్ పాట్ కమిన్స్ టాస్ గెలిచి ముందుగా బ్యాటింగ్ ఎంచుకున్నాడు.
మొదటి రోజు ఆట ముగిసే సమయానికి ఆస్ట్రేలియా జట్టు 6 వికెట్ల నష్టానికి 311 పరుగులు చేసింది. స్టీవ్ స్మిత్ 68 పరుగులతో, పాట్ కమిన్స్ 8 పరుగులతో క్రీజులో ఉన్నారు.
ఈ మ్యాచ్‌లో ఆసీస్ జట్టు 19 ఏళ్ల ఓపెనర్ కాన్స్టాస్ క్రీజ్‌లో ఉన్నప్పుడు ఓ ఆసక్తికర సంఘటన చోటుచేసుకుంది.
బుమ్రా ఇన్నింగ్స్ 11వ ఓవర్‌లో మూడు బంతులు వేసిన సమయంలో కోహ్లీ బాల్ అందుకుని నాన్‌స్ట్రైకర్ ఎండ్ వైపు వెళ్లాడు.
వివరాలు
కోహ్లీపై మ్యాచ్ రిఫరీ చర్యలు తీసుకోవాలి
అదే సమయంలో, స్ట్రైకర్ ఎండ్ వైపు వెళ్తున్న కాన్స్టాస్-విరాట్ భుజాలు తాకాయి. దీనిపై కాన్స్టాస్ కోహ్లీపై ఏదో వ్యాఖ్య చేశాడు, దాంతో కోహ్లీ ఆగ్రహంతో ఘాటుగా స్పందించాడు.
ఈ ఘర్షణతో కొద్దిసేపు వాగ్వాదం చోటుచేసుకోగా, ఉస్మాన్ ఖవాజా, అంపైర్లు మద్యలో వచ్చి పరిస్థితిని చక్కదిద్దారు.
ఈ సంఘటనపై కామెంట్రీ బాక్స్‌లో ఉన్న ఆసీస్ మాజీ కెప్టెన్ రికీ పాంటింగ్, ఇంగ్లండ్ మాజీ కెప్టెన్ మైకెల్ వాన్ కోహ్లీపై మ్యాచ్ రిఫరీ చర్యలు తీసుకోవాలని సూచించారు.
దీనిపై ఐసీసీ కూడా కొన్ని గంటల్లోనే స్పందించింది. కోహ్లీపై చర్యలు తీసుకుంటూ అతనికి మ్యాచ్ ఫీజులో 20 శాతం జరిమానా విధించింది.