US ఓపెన్ టైటిల్ డిఫెన్స్ నాలుగో రౌండ్లో ఒస్టాపెంకో చేతిలో ఓడిన ఇగా స్వైటెక్
గ్రాండ్స్లామ్ టోర్నీ యూఎస్ ఓపెన్ మహిళల సింగిల్స్లో వరల్డ్ నంబర్ వన్ క్రీడాకారిణి ఇగా స్వైటెక్ నాలుగో రౌండ్లో 20వ సీడ్ జెలెనా ఒస్తాపెంకో చేతిలో 6-3, 3-6, 1-6తో ఓడి టోర్నీ నుండి నిష్క్రమించింది. నాలుగో రౌండ్లో మొదటి నుండి ఆధిపత్యం కనబర్చిన స్వైటెక్ 6-3తో మొదటి సెట్ను గెలిచింది. ఆ సెట్ అనంతరం జెలెనా.. డిఫెండింగ్ ఛాంపియన్కు ఏ దశలోనూ ఛాన్స్ ఇవ్వలేదు. దీంతో వరుసగా రెండు సెట్లు ఓడిపోయిన స్వైటెక్.. యూఎస్ ఓపెన్ నుంచి నిష్క్రమించింది.
క్వార్టర్ ఫైనల్ కి నొవాక్ జకోవిచ్
జెలెనా కూడా ఈ టోర్నీలో మొదటిసారి క్వార్టర్ ఫైనల్కు దూసుకెళ్లింది. క్వార్టర్స్లో ఆమె అమెరికాకు చెందిన 19ఏళ్ల కొకో గాఫ్తో తలపడనుంది. ఈ ఓటమితో స్వైటెక్ ప్రపంచ నంబర్ వన్ ర్యాంక్ను కోల్పోయింది. దింతో నంబర్-2గా ఉన్న అరినా సబలెంక టాప్-1 కి దూసుకెళ్లింది. పురుషుల సింగిల్స్లో రెండో సీడ్ ఆటగాడు నొవాక్ జకోవిచ్ క్వార్టర్ ఫైనల్ కి దూసుకెళ్లాడు. నాలుగో రౌండ్లో బోర్నా గోజోను 6-2, 7-5, 6-4తో ఓడించి క్వార్టర్స్లో అతడు 9వ సీడ్ టేలర్ ఫ్రిట్జ్తో తలపడనున్నాడు.