IND vs AUS: 3వ టెస్టులో బ్యాటింగ్ ఎంచుకున్న భారత్
బోర్డర్ గవాస్కర్ ట్రోఫీలో భాగంగా ఇండోర్‌లోని హోల్కర్ క్రికెట్ స్టేడియంలో ఆస్ట్రేలియా, ఇండియా మధ్య మూడో టెస్టు మ్యాచ్ ప్రారంభమైంది. ముందుగా భారత కెప్టెన్ రోహిత్ శర్మ టాస్ గెలిచి బ్యాటింగ్ ఎంచుకున్నాడు. తొలి రెండు టెస్టు మ్యాచ్‌లో ఆస్ట్రేలియాను ఓడించి టీమిండియా ఆత్మవిశ్వాసంతో బరిలోకి దిగనుంది. ఎలాగైనా మూడో టెస్టులో నెగ్గాలని ఆస్ట్రేలియా భావిస్తోంది. రెగ్యులర్ కెప్టెన్ పాట్ కమిన్స్ మూడో టెస్టుకు దూరం కావడంతో స్మిత్ కెప్టెన్సీ పగ్గాలను అందుకున్నాడు. ఆస్ట్రేలియా జట్టులో డేవిడ్ వార్నర్, కమిన్స్‌ల స్థానంలో కామెరాన్ గ్రీన్, మిచెల్ స్టార్క్‌లకు చోటు లభిచింది. భారత్ తరఫున కేఎల్ రాహుల్, మహమ్మద్ షమీ స్థానంలో శుభ్‌మన్ గిల్, ఉమేష్ యాదవ్‌లు వచ్చారు.
ఇరు జట్లలోని సభ్యులు
ఈ స్టేడియంలో ఆడిన రెండు టెస్టుల్లోనూ టీమిండియా విజయం సాధించింది. ఈ పిచ్ స్పిన్నర్లకు అనుకూలంగా ఉండనుంది. మ్యాచ్ స్టార్ స్పోర్ట్స్ నెట్‌వర్క్‌లో ఉదయం 9.30 గంటలకు ప్రత్యక్ష ప్రసారం కానుంది. భారత్ (ప్లేయింగ్ XI): రోహిత్ శర్మ (కెప్టెన్), శుభ్‌మన్ గిల్, ఛెతేశ్వర్ పుజారా, విరాట్ కోహ్లీ, శ్రేయాస్ అయ్యర్, రవీంద్ర జడేజా, శ్రీకర్ భరత్ (వికెట్-కీపర్), అక్షర్ పటేల్, రవిచంద్రన్ అశ్విన్, ఉమేష్ యాదవ్, మహ్మద్ సిరాజ్ ఆస్ట్రేలియా (ప్లేయింగ్ XI). ): ఉస్మాన్ ఖవాజా, ట్రావిస్ హెడ్, మార్నస్ లాబుషాగ్నే, స్టీవెన్ స్మిత్ (కెప్టెన్), పీటర్ హ్యాండ్స్‌కాంబ్, కామెరాన్ గ్రీన్, అలెక్స్ కారీ (వికెట్-కీపర్), మిచెల్ స్టార్క్, నాథన్ లియోన్, టాడ్ మర్ఫీ, మాథ్యూ కుహ్నెమాన్
