IND Vs AUS : టీమిండియా యువ క్రికెటర్ ముకేష్ కుమార్ అరుదైన ఘనత
ఈ వార్తాకథనం ఏంటి
టీమిండియా యువ క్రికెటర్ ముఖేష్ కుమార్ అరుదైన ఘనత సాధించాడు. ఒకే టూరులో మూడు అంతర్జాతీయ ఫార్మాట్లో అరంగేట్రం చేసిన రెండో భారతీయ ఆటగాడిగా నిలిచాడు.
వెస్టిండీస్ పర్యటనలో తొలుత టెస్ట్ సిరీస్ ఆడిన ముకేష్, ఆ తర్వాత వన్డే సిరీస్, ప్రస్తుతం ఆస్ట్రేలియాతో జరిగే టీ20 సిరీస్‌లో చోటు సంపాదించుకున్నాడు.
విండీస్ రెండో టెస్టులో ఆడిన ముఖేష్ తొలి ఇన్నింగ్స్ లోనే రెండు వికెట్లు పడగొట్టాడు.
ఇక వన్డే సిరీస్ తొలి మ్యాచ్ ద్వారా ఒక్క వికెట్ పడగొట్టాడు. రెండో వన్డేల్లో వికట్లేమీ సాధించలేదు.
మూడో వన్డేల్లో మాత్రం మూడు వికెట్లతో విజృంభించాడు.
రేపటి నుంచి ఆస్ట్రేలియాతో ప్రారంభమయ్యే టీ20 సిరీస్ కు ముందు ముకేష్ కుమార్ కీలక వ్యాఖ్యలు చేశాడు.
Details
క్రమం తప్పకుండా దేశం కోసం ఆడాలని ఉంది
తాను క్రమం తప్పకుండా దేశం కోసం ఆడాలనుకుంటున్నానని, అదే తన మొదటి విజయమని చెప్పారు.
భారత సీనియర్ పేసర్ ఇషాంత్ శర్మతో తనకు ఎంతో మద్దతు పలికాడని, అతను చాలా విషయాలు నేర్పాడని వెల్లడించాడు.
తాను భారత జట్టు సభ్యులను మొదటిసారి చూసినప్పుడు, తన మనస్సు కొద్దిసేపు పనిచేయడం మానేసిందని, తాను నిన్నటి వరకు టీవీలో వీక్షించిన ఆటగాళ్లతో డ్రెస్సింగ్ రూమ్‌ను పంచుకొనే అవకాశం రావడం అదృష్టమని పేర్కొన్నాడు.
తాను బౌలింగ్ చేస్తున్నప్పుడు, విరాట్ కోహ్లీ, రోహిత్ శర్మ మెచ్చుకున్నారని ముకేష్ గుర్తు చేశాడు.
గతంలో క్రికెట్ కిట్ కొనడానికి తన దగ్గర డబ్బులు లేవని, తాను ఇంతకు ముందు బ్యాటింగ్ చేసేవాడిని, కానీ డబ్బు లేకపోవడంతో బౌలింగ్‌పై దృష్టి సారించామని చెప్పుకొచ్చాడు.