Team India: చివరి లీగ్ మ్యాచులో భారత్ ఓటమి.. గిల్ సెంచరీ వృథా
ఆసియా కప్ సూపర్-4 లీగ్ మ్యాచులో బంగ్లాదేశ్ చేతిలో భారత జట్టు ఓటమిపాలైంది. కొలంబోలో జరిగిన ఈ మ్యాచులో భారత్ 6 పరుగుల తేడాతో పరాజయం పాలైంది. ఈ మ్యాచులో మొదట బ్యాటింగ్ చేసిన బంగ్లాదేశ్ నిర్ణీత 50 ఓవర్లలో 8 వికెట్ల నష్టానికి 265 పరుగులు చేసింది. లక్ష్య చేధనలో భారత్ 49.5 ఓవర్లలో 259 పరుగులకు అలౌటైంది. శుభ్‌మాన్ గిల్ 133 బంతుల్లో ( 8 ఫోర్లు, 5 సిక్సర్లు) 121 పరుగులు చేసినా ఫలితం లేకుండా పోయింది. రోహిత్ శర్మ 0, తిలక్ వర్మ 5, కేఎల్ రాహుల్ 19, ఇషాన్ 6, సూర్యకుమార్ యాదవ్ 26, రవీంద్ర జడేజా 7 విఫలం కావడంతో టీమిండియాకు పరాజయం తప్పలేదు.
షకీబ్ అల్ హసన్ కి ప్లేయద్ ద మ్యాచ్ అవార్డు
చివర్లో అక్షర్ పటేల్ (42) ఆశలు రేపినా అడియాశలు అయ్యాయి. చివరి ఓవర్లలో 12 పరుగులు చేస్తే విజయం దక్కుతుందనగా.. క్రీజులో ఉన్న మహ్మద్ షమీ తొలి మూడు బంతులను వృథా చేశాడు. నాలుగో బంతికి ఫోర్ కొట్టినా, ఆ తర్వాత రెండో రన్ తీయబోయి రనౌట్ అయ్యాడు. దీంతో భారత్ ఇన్నింగ్స్ ముగిసిపోయింది. బంగ్లా తరుపున 80 పరుగులు, ఒక వికెట్ తీసిన కెప్టెన్ షకీబ్ అల్ హసన్ కి ప్లేయర్ ద మ్యాచ్ అవార్డు లభించింది.
