IND vs AUS: టీమిండియాకు భారీ షాక్.. స్టార్ ప్లేయ‌ర్‌ ఆకాష్ దీప్ కు గాయం
ఈ వార్తాకథనం ఏంటి
బోర్డర్-గవాస్కర్ ట్రోఫీ 2024-25 సిరీస్‌లో టీమిండియా మరో కీలక పోరుకు సిద్ధమైంది.
ఈ శుక్రవారం (జనవరి 3) సిడ్నీలో ఆస్ట్రేలియాతో ప్రారంభం కానున్న ఐదో టెస్టులో భారత జట్టు సమం చేసే ప్రయత్నంలో ఉంది.
రోహిత్ శర్మ సేన ఈ మ్యాచ్‌లో గెలిచి సిరీస్‌ను 2-2తో సమం చేయాలని ఆశిస్తోంది.
అయితే,ఈ మ్యాచ్‌కు ముందు భారత జట్టుకు భారీ షాక్ తగిలింది.
సిడ్నీ టెస్టుకు యువ పేసర్ ఆకాష్ దీప్ గాయంతో దూరం కానున్నట్లు సమాచారం.
భారత క్రికెట్ వర్గాల ప్రకారం, ఆకాష్ దీప్ వెన్ను నొప్పితో బాధపడుతున్నాడని తెలుస్తోంది.
మెల్‌బోర్న్ వేదికగా జరిగిన నాల్గో టెస్టులో అతను రెండు ఇన్నింగ్స్‌లలో కేవలం 43 ఓవర్‌ల బౌలింగ్ మాత్రమే చేసిన విషయం తెలిసిందే.
వివరాలు
ఆకాష్ దీప్ స్థానంలో కర్ణాటక స్పీడ్ స్టార్ ప్రసిద్ద్ కృష్ణ
దీంతో, అతనికి ఈ టెస్టుకు విశ్రాంతి ఇవ్వాలని భారత జట్టు మేనేజ్‌మెంట్ నిర్ణయించింది.
ఆకాష్ దీప్ స్థానంలో కర్ణాటక స్పీడ్ స్టార్ ప్రసిద్ద్ కృష్ణ జట్టులోకి రావాలని పలు రిపోర్టులు తెలియజేస్తున్నాయి.
ఈ సిరీస్‌కు ముందు ఆస్ట్రేలియా-ఎతో జరిగిన అనధికార టెస్టుల్లో ప్రసిద్ద్ అద్భుతమైన ప్రదర్శనతో పేరు తెచ్చుకున్నాడు.
ఈ క్రమంలో,తొలి రెండు టెస్టుల్లో హర్షిత్ రానాను కాకుండా ప్రసిద్ద్ కృష్ణకు అవకాశం ఇవ్వాలని గంభీర్ భావిస్తున్నట్లు వార్తలు వస్తున్నాయి.
వివరాలు
బుమ్రా తర్వాత అత్యుత్తమ బౌలర్‌గా నిలిచిన ఆకాష్ దీప్
గత రెండు మ్యాచ్‌లలో బుమ్రా తర్వాత అత్యుత్తమ బౌలర్‌గా నిలిచిన ఆకాష్ దీప్ సిడ్నీ టెస్టుకు దూరం అయితే, భారత్‌కు ఇది గట్టి ఎదురుదెబ్బ అవుతుందనే చెప్పాలి.
బ్రిస్బేన్ టెస్టు డ్రా ముగియడంలో అతని కీలక పాత్రను గుర్తించడం అవసరం. అయితే, ఈ మ్యాచ్‌లో భారత్ ఓటమి పాలైతే, డబ్ల్యూటీసీ ఫైనల్ రేసు నుంచి అధికారికంగా నిష్క్రమిస్తుంది.