India vs WI: ఐదో టీ20లో భారత్ తడబాటు.. సిరీస్ విండీస్ వశం
ఫ్లోరిడా వేదికగా జరిగిన నిర్ణయాత్మక ఐదో T20 లో టీం ఇండియా నిర్దేశించిన 166 పరుగుల లక్ష్యాన్ని వెస్టిండీస్ 18 ఓవర్లలో 2 వికెట్లు కోల్పోయి ఛేదించి సిరీస్ ను వశం చేసుకుంది. దింతో 5 మ్యాచ్ ల టీ20 సిరీస్ ను విండీస్ 3-2తో కైవసం చేసుకుంది. అంతకముందు టాస్ గెలిచి బ్యాటింగ్ కి దిగిన టీం ఇండియా నిర్ణీత 20 ఓవర్లలో 9 వికెట్ల నష్టానికి 165 పరుగులు చేసింది. సూర్యకుమార్ యాదవ్ ఒక్కడే 61 పరుగులతో టాప్ స్కోరర్ గా నిలిచాడు. బ్రాండన్ కింగ్(85)నికోలస్ పూరన్(47)చెలరేగడంతో విండీస్ గెలుపు సునాయాసమైంది. భారత బౌలర్లలో అర్ష్‌దీప్‌ సింగ్, తిలక్ వర్మ తలో వికెట్ పడగొట్టారు.
