IPL 2023 : CSK కి మరో బిగ్ షాక్.. నెక్ట్ మ్యాచ్ కు ధోని దూరం?
ఈ వార్తాకథనం ఏంటి
ఇండియన్ ప్రీమియర్ లీగ్‌లో భాగంగా బుధవారం రాత్రి రాజస్థాన్ రాయల్స్ చేతిలో చైన్నై సూపర్ కింగ్స్ పరాజయం పాలైంది.
చివరి బంతి వరకూ ఉత్కంఠగా సాగిన ఈ మ్యాచ్‌లో ధోని జట్టు 3 పరుగుల తేడాతో ఓడిపోయింది. దీంతో ఈ సీజన్లో చైన్నై రెండో ఓటమిని చవిచూసింది.
కెప్టెన్ ఎంఎస్ ధోని చివరి వరకు క్రీజులో ఉన్న ఆఖరికి విజయం రాజస్థాన్ రాయల్స్ నే వరించింది. చివరి బంతికి బౌండరీ కొట్టడంలో ధోని విఫలం కావడంతో చైన్నైకి ఓటమి తప్పలేదు.
ఈ మ్యాచ్ లో ధోని 17 బంతుల్లో (ఒక్క ఫోర్, మూడు సిక్సర్లు) 32 పరుగులు చేసినా ఫలితం లేకుండా పోయింది.
ఎంఎస్ ధోని
మోకాలి గాయంతో బాధపడుతున్న ఎంఎస్ ధోని
ప్రస్తుతం చైన్నై జట్టుకు బిగ్ షాక్ తగిలేలా ఉంది. ప్రస్తుతం ఎంఎస్ ధోని మోకాలి గాయంతో బాధపడుతున్నాడు. ఈ విషయంపై ఆ జట్టు హెడ్ కోచ్ స్టీఫెన్ ఫ్లెమింగ్ స్పందించాడు.
ధోని ప్రస్తుతం మోకాలి సమస్యతో బాధపడుతున్నాడని, దీంతో మైదానంలో పరుగులు తీసేందుకు ఇబ్బంది పడ్డానని, రెండు పరుగులు రావాల్సిన సమయంలో ఒక పరుగు మాత్రమే తీశాడని స్టీఫెన్ ఫ్లెమింగ్ పేర్కొన్నారు.
ప్రస్తుతం తమ వైద్య బృందం అతని గాయాన్ని పర్యవేక్షిస్తోందని, ఇక తర్వాతి మ్యాచ్ కు నాలుగు సమయం ఉందని, ఆలోగా ధోని కచ్చితంగా కోలుకుంటాడని ఆయన ఆశాభావం వ్యక్తం చేశారు.
ఏప్రిల్ 17న చిన్న స్టేడియంలో బెంగళూర్‌తో చైన్నై సూపర్ కింగ్స్ తలపడనుంది.