IPL 2025: ఐపీఎల్ మెగా వేలం ముందు.. సన్‌రైజర్స్ హైదరాబాద్ కి షాక్ ఇచ్చిన డేల్ స్టెయిన్‌
ఐపీఎల్ 2025 మెగా వేలం ముందు సన్ రైజర్స్ హైదరాబాద్'ను వదిలిస్తున్నట్లు డేల్ స్టెయిన్‌ ప్రకటించాడు. గత సీజన్‌లో వ్యక్తిగత కారణాల వల్ల ఎస్ఆర్‌హెచ్‌కు దూరమైన అతడు, ఈ సీజన్‌లో అందుబాటులో ఉండనని స్పష్టంచేశాడు. అయితే, సౌతాఫ్రికా 20 లీగ్‌లో సన్‌రైజర్స్ ఈస్టర్న్ కేప్‌కు బౌలింగ్ కోచ్‌గా కొనసాగుతానని తెలియజేశాడు. గత రెండుసార్లు ఈస్టర్న్ కేప్‌ ఛాంపియన్‌గా నిలిచింది. హ్యాట్రిక్ సాధించేందుకు తనవంతు కృషి చేస్తానని తెలిపారు.
స్‌ఏ 20 లీగ్‌లో సన్‌రైజర్స్ ఈస్టర్న్ కేప్‌తో పని చేస్తా: స్టెయిన్‌
స్టెయిన్‌ మాట్లాడుతూ, "క్రికెట్ అనౌన్స్‌మెంట్. సన్‌రైజర్స్ హైదరాబాద్‌కు ధన్యవాదాలు. గత కొన్నేళ్లుగా బౌలింగ్ కోచ్‌గా అవకాశం ఇచ్చినందుకు నేను రుణపడి ఉంటా. దురదృష్టవశాత్తూ, ఐపీఎల్ 2025 సీజన్‌ కోసం ఎస్‌ఆర్‌హెచ్‌తో కలిసి పనిచేయలేకపోతున్నాను. కానీ, ఎస్‌ఏ 20 లీగ్‌లో సన్‌రైజర్స్ ఈస్టర్న్ కేప్‌తో పని చేస్తాను. మేం ఇప్పటికే రెండుసార్లు విజేతగా నిలిచాం. ఈసారి హ్యాట్రిక్ సాధించే నమ్మకం ఉంది" అని వెల్లడించాడు.
2018లో ఫైనల్స్‌కు వెళ్లడంలో డేల్ కీలక పాత్ర
డేల్ కేవలం కోచ్‌గానే కాకుండా సన్‌రైజర్స్ హైదరాబాద్ జట్టుకూ ప్రాతినిధ్యం వహించాడు. 2016 సీజన్‌లో టైటిల్‌ విజేతగా నిలిచిన సందర్భంలో,2018లో ఫైనల్స్‌కు వెళ్లడంలో డేల్ కీలక పాత్ర పోషించాడు. గత సీజన్‌లో డేల్ స్థానంలో న్యూజిలాండ్ మాజీ పేసర్ జేమ్స్ ఫ్రాక్లిన్‌ను ఎస్‌ఆర్‌హెచ్‌ తాత్కాలిక బౌలింగ్ కోచ్‌గా నియమించింది. ఇప్పుడు డేల్ స్థానంలో అతడికే పూర్తిస్థాయి పగ్గాలు అప్పగించే అవకాశం ఉందని భావిస్తున్నారు.
