PBKS Release List: గ్లెన్ మ్యాక్స్‌వెల్‌,మార్కస్ స్టోయినిస్‌కు గుడ్‌బై చెప్పనున్న పంజాబ్‌!
ఈ వార్తాకథనం ఏంటి
ఐపీఎల్‌ 2026 సీజన్‌ రిటెన్షన్‌ గడువు సమీపిస్తున్న నేపథ్యంలో ఫ్రాంచైజీలు తమ తుది ఆటగాళ్ల జాబితాలను ఖరారు చేయడంలో తలమునకలై ఉన్నాయి. ఈ క్రమంలో గత సీజన్‌లో రన్నరప్‌గా నిలిచిన పంజాబ్‌ కింగ్స్‌(PBKS)కూడా తన జట్టును మరింత బలపర్చే దిశగా కృషి చేస్తోంది. కొత్త కెప్టెన్‌ శ్రేయస్‌ అయ్యర్ నాయకత్వంలో పంజాబ్‌ 2025 సీజన్‌లో అద్భుత ప్రదర్శనతో ఫైనల్‌ వరకు చేరింది. అయితే ఆర్‌సీబీతో జరిగిన తుది పోరులో కేవలం ఆరుపరుగుల తేడాతో ఓడిపోయి టైటిల్‌ చేజార్చుకుంది. వివిధ నివేదికల ప్రకారం పంజాబ్‌ కింగ్స్‌ తన ప్రధాన ఆటగాళ్లను రిటైన్‌ చేయనున్నట్లు సమాచారం. అందులో శ్రేయాస్ అయ్యర్,అర్ష్దీప్ సింగ్, శశాంక్ సింగ్, యుజ్వేంద్ర చాహల్ వంటి కీలక సభ్యులు ఉండే అవకాశం ఉంది.
వివరాలు
శశాంక్ సింగ్ ఫినిషర్‌గా మెరిసి.. జట్టు మేనేజ్‌మెంట్‌ను ఆకట్టుకున్నాడు
అయ్యర్ గత సీజన్‌లో 604 పరుగులు సాధించి జట్టులో అత్యధిక స్కోరర్‌గా నిలిచాడు. అర్ష్దీప్ సింగ్, చాహల్ బౌలింగ్‌ విభాగంలో నిరంతరమైన ప్రదర్శనలతో జట్టుకు విలువైన విజయాలను అందించారు. శశాంక్ సింగ్ ఫినిషర్‌గా మెరిసి తన ఆటతో అభిమానులను, జట్టు మేనేజ్‌మెంట్‌ను ఆకట్టుకున్నాడు. వీరి తో పాటు ప్రభ్‌సిమ్రాన్‌సింగ్‌, ప్రియాంష్‌ ఆర్య వంటి యువ ఆటగాళ్లను కూడా పంజాబ్‌ కొనసాగించే అవకాశముంది. ప్రియాంష్‌ తన దూకుడు బ్యాటింగ్‌తో జట్టుకు ఓపెనింగ్‌లో కొత్త శక్తిని అందించాడు. అయితే పంజాబ్‌ కింగ్స్‌కు పెద్ద తలనొప్పి విదేశీ ఆటగాళ్ల ప్రదర్శనగా మారింది. గ్లెన్ మ్యాక్స్‌వెల్‌,మార్కస్ స్టోయినిస్ లాంటి అనుభవజ్ఞులు ఆశించిన స్థాయిలో రాణించకపోవడంతో జట్టు నిరాశ చెందింది.
వివరాలు
అబుదాబీలో ఐపీఎల్‌ మినీ వేలం
గత కొద్ది సీజన్లుగా మ్యాక్స్‌వెల్‌ ఫామ్‌లో లేడు. ఇక 2025 మెగా వేలంలో రూ.11 కోట్ల భారీ ధరకు తీసుకున్న స్టోయినిస్ కూడా అంచనాలను అందుకోలేకపోయాడు. ఈ నేపథ్యంలో పంజాబ్‌ కింగ్స్‌ ఈ ఇద్దరిని జట్టులోనుండి విడుదల చేసి, వారి స్థానంలో కొత్త ఆటగాళ్లను తీసుకునే దిశగా ఆలోచిస్తోంది. వీరితో పాటు ఆరోన్ హార్డీ, ముషీర్ ఖాన్ లను కూడా విడుదల చేసే అవకాశం ఉంది. హార్డీ గత సీజన్‌లో ఒక్క మ్యాచ్‌ కూడా ఆడకపోగా, ముషీర్ కేవలం ఒకే మ్యాచ్‌లో మాత్రమే కనిపించాడు. ఇక రాబోయే ఐపీఎల్‌ మినీ వేలం డిసెంబర్‌ 15-16 తేదీల్లో అబుదాబీలో జరగనున్నట్లు సమాచారం.
వివరాలు
ప్రాబబుల్ రిటైన్డ్ ప్లేయర్స్ :
శ్రేయాస్ అయ్యర్, యుజ్వేంద్ర చాహల్, అర్ష్దీప్ సింగ్, నేహాల్ వధేరా, శశాంక్ సింగ్, విజయ్‌కుమార్ వ్యాషాక్, యశ్ ఠాకూర్, హర్‌ప్రీత్ బ్రార్, విష్ణు వినోద్, మార్కో జాన్‌సెన్, జోష్ ఇంగ్లిస్, జేవియర్ బార్ట్‌లెట్, కుల్‌దీప్ సేన్, ప్రియాలా అవినాష్‌, సూర్యాంశ్‌ షెడ్జ్‌, ప్రవీణ్‌ దూబే, అజ్మతుల్లా ఒమర్జాయ్, లాకీ ఫెర్గూసన్. ప్రాబబుల్ రిలీజ్డ్‌ ప్లేయర్స్ : విడుదలయ్యే సంభావ్య ఆటగాళ్లు: హర్నూర్ సింగ్, గ్లెన్ మాక్స్‌వెల్, మార్కస్ స్టోయినిస్, ఆరోన్ హార్డీ, ముషీర్ ఖాన్.