Shubman Gill: ఆర్సీబీపై గిల్ దూకుడు.. 50 సిక్సర్లు బాదిన తొలి ఆటగాడిగా రికార్డ్
ఈ వార్తాకథనం ఏంటి
ఐపీఎల్లో మరో అరుదైన రికార్డు సాధించాడు గుజరాత్ టైటాన్స్ కెప్టెన్ శుభమన్ గిల్ . అహ్మదాబాద్లోని నరేంద్రమోడీ స్టేడియంలో 50 సిక్సర్లు పూర్తి చేసి చరిత్ర సృష్టించాడు. 2026 సీజన్లో రాయల్ చాలెంజర్స్ బెంగళూరుతో జరిగిన 42వ మ్యాచ్లో గిల్ ఈ మైలురాయిని అందుకున్నాడు. తన ఇన్నింగ్స్లో రెండో సిక్స్ కొట్టగానే ఈ ఘనత సాధించి, ఈ మైదానంలో 50 సిక్సర్లు బాదిన తొలి ఆటగాడిగా నిలిచాడు. ఈ మ్యాచ్లో గిల్ దూకుడుగా ఆడుతూ 156 పరుగుల లక్ష్యాన్ని చేధించే క్రమంలో కేవలం 18 బంతుల్లోనే 43 పరుగులు చేశాడు. వేగంగా పరుగులు సాధిస్తూ మూడు సిక్సర్లు, నాలుగు ఫోర్లు కొట్టాడు.
వివరాలు
ఐపీఎల్ రికార్డులివే...
అయితే ఐదో ఓవర్లో బెంగళూరు జట్టు బౌలర్ భువనేశ్వర్ కుమార్ అతన్ని ఔట్ చేశాడు. అప్పటికి గుజరాత్ స్కోరు 57 పరుగులకు 2 వికెట్లు గా ఉంది. ఈ మైదానంలో సిక్సర్ల విషయంలో గిల్ ప్రత్యేక స్థానం సంపాదించాడు. ఐపీఎల్ గణాంకాల ప్రకారం, అహ్మదాబాద్ మైదానంలో ఐపీఎల్లో 50 సిక్సర్లు పూర్తి చేసిన ఏకైక ఆటగాడు గిల్ మాత్రమే. అతని తర్వాతి స్థానంలో సాయి సుదర్శన్ 40 సిక్సర్లతో ఉన్నాడు. బట్లర్, శ్రేయస్ అయ్యర్ తలా 21కు పైగా సిక్సర్లతో మూడో స్థానంలో నిలిచారు. గిల్ ఈ వేదికపై గుజరాత్ టైటాన్స్తో పాటు కోల్ కతా నైట్ రైడర్స్ తరఫున కూడా ఆడాడు.
వివరాలు
1300 పరుగులు పూర్తి..
నరేంద్ర మోదీ మైదానంలో గిల్ ప్రదర్శన అద్భుతంగా ఉంది. ఇక్కడ అతను 28 మ్యాచ్లు ఆడి 1,300 పరుగులు చేశాడు. అతని సగటు 52 కాగా, పరుగులు సాధించే వేగం కూడా చాలా ఎక్కువగా ఉంది. అతని నాలుగు శతకాలలో మూడు ఈ మైదానంలోనే వచ్చాయి. అలాగే ఆరు అర్ధశతకాలు కూడా చేశాడు. మొత్తం 51 సిక్సర్లు, 123 ఫోర్లు అతని ఖాతాలో ఉన్నాయి. మొత్తం ఐపీఎల్ ప్రదర్శన చూస్తే కూడా గిల్ మంచి స్థిరత్వాన్ని చూపిస్తున్నాడు. ఇప్పటివరకు 126 మ్యాచ్లు ఆడి 4,239 పరుగులు సాధించాడు. అతని సగటు 39.99. పరుగులు చేసే వేగం కూడా గమనించదగ్గది. మొత్తం 136 సిక్సర్లు, 406 ఫోర్లు బాది లీగ్లో కీలక ఆటగాడిగా కొనసాగుతున్నాడు.