IRE vs RSA: ఐర్లాండ్ క్రికెట్ చరిత్రలో మైలురాయి.. దక్షిణాఫ్రికాను ఓడించిన ఐరిష్ జట్టు!
ఈ వార్తాకథనం ఏంటి
క్రికెట్‌లో మరో సంచలనం నమోదైంది. ఇటీవల టెస్ట్ ఫార్మాట్‌లో పాకిస్థాన్ ను బంగ్లాదేశ్ ఓడించిన విషయం తెలిసిందే. తాజాగా ఐర్లాండ్ దక్షిణాఫ్రికా జట్టుపై ఘన విజయం సాధించింది.
అబుదాబిలోని షేక్ జాయెద్ స్టేడియంలో సోమవారం జరిగిన మూడో వన్డేలో ఐరిష్ జట్టు ప్రొటీస్‌పై 69 పరుగుల తేడాతో గెలుపొందింది.
ఈ విజయంతో ఐర్లాండ్ మూడు వన్డేల సిరీస్‌ను 1-2తో ముగించింది. కీలక ఇన్నింగ్స్ ఆడిన పాల్ స్టిర్లింగ్‌కు 'మ్యాన్ ఆఫ్ ది మ్యాచ్' అవార్డు దక్కింది.
ఈ మ్యాచ్‌లో ఐర్లాండ్ ముందుగా బ్యాటింగ్ చేసి 50 ఓవర్లలో 9 వికెట్ల నష్టానికి 284 పరుగులు చేసింది. పాల్ స్టిర్లింగ్ 88 పరుగులు, హ్యారీ టెక్టర్ 60 హాఫ్ సెంచరీలు సాధించారు.
Details
నాలుగు వికెట్లతో రాణించిన విలియమ్స్
బాల్బిర్నీ 45 (73 బంతుల్లో 4 ఫోర్లు, 1 సిక్సర్), క్యాంపర్ 34 (36 బంతుల్లో 4 ఫోర్లు, 1 సిక్సర్) కీలక ఇన్నింగ్స్ ఆడారు.
దక్షిణాఫ్రికా బౌలర్లలో విలియమ్స్ నాలుగు వికెట్లు పడగొట్టాడు. ఛేదనలో దక్షిణాఫ్రికా 46.1 ఓవర్లలో 215 పరుగులకు ఆలౌటైంది. జేసన్ స్మిత్ 91 పరుగులు (93 బంతుల్లో 9 ఫోర్లు, 4 సిక్సర్లు)తో టాప్ స్కోరర్‌గా నిలిచాడు.
అడైర్, హుమే దెబ్బకు 10 పరుగులకే ప్రొటీస్ మూడు వికెట్లు కోల్పోయింది.
కైల్ వెర్రెయిన్నే 38, ట్రిస్టన్ స్టబ్స్ 20 పరుగులు చేసినప్పటికీ, ఇతర ఆటగాళ్ల భాగస్వామ్యం లేకపోవడంతో దక్షిణాఫ్రికా జట్టు భారీ ఇన్నింగ్స్ ఆడలేకపోయింది.
ఐర్లాండ్ బౌలర్లలో క్రెయిగ్, హుమే చెరో మూడు వికెట్లు తీశారు.