Jasprit Bumrah: జస్ప్రీత్ బుమ్రా భార్యపై బాడీషేమింగ్‌ కామెంట్లు.. దీటుగా బదులిచ్చిన సంజనా
ఇంగ్లండ్ తో జరుగుతున్న టెస్టు సిరీస్‌ నుంచి చిన్న విరామం దొరకడంతో బుమ్రా ప్రస్తుతం కుటుంబంతో గడుపుతున్నాడు. ఇంగ్లాండ్‌తో గురువారం రాజ్‌కోట్‌లో మూడవ టెస్ట్ ప్రారంభం కాగానే అతడు జట్టుతో చేరనున్నాడు. మరో మూడు టెస్టులు మిగిలి ఉండగానే , చెరో పాయింట్‌తో ఇరు జట్లు స్కోర్‌ను సమం చేశాయి. తొలి టెస్టులో బెన్ స్టోక్స్ నేతృత్వంలోని ఇంగ్లండ్ విజయం సాధించగా, రెండో టెస్టులో రోహిత్ శర్మ విజయం సాధించింది. పేసర్ జస్ప్రీత్ బుమ్రా రెండో టెస్ట్ మ్యాచ్‌లో తొమ్మిది వికెట్లు పడగొట్టి సిరీస్‌ను సమం చేయడంలో కీలక పాత్ర పోషించాడు. సంజన ప్రముఖ స్పోర్ట్స్‌ యాంకర్‌.ఈమెను బుమ్రా 2021 మార్చిలో వివాహం చేసుకున్నాడు. గతేడాది సెప్టెంబరులో ఆమె మగబిడ్డకు జన్మనిచ్చారు.
సంజనా గణేషన్‌ పై బాడీషేమింగ్‌ కామెంట్లు
ప్రేమికుల దినోత్సవాన్ని పురస్కరించుకుని సోమవారం బుమ్రా తన ఇన్‌స్టా పేజీలో ఓ ప్రమోషన్ వీడియోను పోస్ట్‌ చేశారు. "ఆనందం ఇక్కడ ఉంది" అంటూ క్యాప్షన్ కూడా ఇచ్చాడు. అయితే, పోస్ట్‌లో సంజనా గణేషన్‌ను ఉద్దేశించి ఓ ఇన్‌స్టాగ్రామ్ వినియోగదారు బాడీ షేమ్ చేశారు. "భాభీ మోతీ లాగ్ రహీ హై (మీరు లావుగా కనిపిస్తున్నారు)" అంటూ కామెంట్ చేశారు. " మీరు చదువుకొనే సైన్స్ పాఠాలు గుర్తు ఉండదుకాని .. మహిళ శరీరాకృతిపై కామెంట్లు చేస్తావా ? వెళ్లిపో ఇక్కడి నుంచి..!'' అని సంజనా గణేశన్ ఘాటుగా సమాధానం ఇచ్చింది. ఈ సమాధానం ఇప్పుడు అందరి ప్రశంసలు అందుకుంది.
