రాటుదేలుతున్న తెలంగాణ ముద్దుబిడ్డ కీర్తిన.. పతకాలు సాధించడంపై గురి
ఈ వార్తాకథనం ఏంటి
తెలంగాణ గురుకుల విద్యార్థి జాతీయ, అంతర్జాతీయ స్థాయిలో పతకాలను కొల్లగొడుతోంది. నాలుగేళ్ల క్రితం అథ్లెటిక్స్ ను కెరీర్ గా ఎంచుకున్న జనగామ జిల్లా ముద్దు బిడ్డ కీర్తన ఆకాశమే హద్దుగా పరుగుల పోటీల్లో రాణిస్తోంది.
జాతీయ జూనియర్ ఫెడరేషన్ అథ్లెటిక్స్ లో కాంస్యం సాధించిన ఆమె, ఖేలో ఇండియా స్కీమ్ కు ఎంపికై అందరినీ ఆశ్చర్యపరుస్తోంది.
ఇటీవల తమిళనాడులో జరిగిన 21వ జాతీయ జూనియర్ ఫెడరేషన్ కప్ అథ్లెటిక్స్ లో రాణించడం సంతోషంగా ఉందని, అథ్లెటిక్స్ లో మిగతా విభాగాలతో పోల్చుకుంటే స్టిపుల్ చేజ్ భిన్నంగా ఉందని, అయితే ఎక్కువ దూరం పరిగెత్తితే మనలో ఉన్న సత్తా బయటికొస్తుందని కీర్తిన పేర్కొన్నారు.
Details
స్టిపుల్ చేజ్ లో కొత్త రికార్డును నెలకొల్పడమే లక్ష్యం
తొలుత ఖోఖో ద్వారా క్రీడల్లోకి వచ్చిన ఆమెను ఫిజికల్ ఎడ్యుకేషన్ టీచర్లు సుశీల, హేమలత ప్రోత్సహించారు. టీచర్ల సలహాతో అథ్లెటిక్స్ వెళ్లిన కీర్తిన స్కూల్ గేమ్స్ ఫెడరేషన్ టోర్నీలో 800 మీటర్లరేసులో అత్యుత్తమ టైమింగ్ ను నమోదు చేసింది.
దీంతో జిల్లా స్థాయికి ఎంపికై అక్కడ 100 మీటర్ల రేసులో రాణించింది.
తద్వారా 2019లో దిండి అథ్లెటిక్స్ అకాడమీలో చోటు లభించింది. అనంతరం జూనియర్ అథ్లెటిక్స్ లో పసిడి పతకం గెలవడం ద్వారా ఆమె వెలుగులోకి వచ్చింది. ఇప్పటివరకూ అమె రెండు స్వర్ణాలు, రెండు రజతాలు, మూడు కాంస్య పతకాలను సాధించింది.
భవిష్యతుల్లో భారత్ తరుపున పతకాలు సాధించి, స్టిపుల్ చేజ్ లో కొత్త రికార్డును నెలకొల్పడమే తన లక్ష్యమని కీర్తిన వెల్లడించింది.