Kuldeep Yadav : కొత్త రికార్డును సృష్టించిన కుల్దీప్ యాదవ్.. భారత్ తరుపున తొలి బౌలర్‌గా!
ఈ వార్తాకథనం ఏంటి
కరేబియన్ గడ్డపై విండీస్‌తో జరుగుతున్న టీ20 సిరీస్‌లో కుల్దీప్ యాదవ్ మరోసారి తన స్పిన్ మాయజాలాన్ని ప్రదర్శించారు.
గయనా వేదికగా జరిగిన మూడో టీ20ల్లో ప్రత్యర్థి బ్యాటర్ల నడ్డి విరిచి టీమిండియా విజయంలో కీలక పాత్ర పోషించారు.
ఈ మ్యాచులో 28 పరుగులిచ్చి 3 వికెట్లు తీసిన కుల్దీప్ యాదవ్ పలు అరుదైన రికార్డులను తన ఖాతాలో వేసుకున్నాడు.
అంతర్జాతీయ టీ20ల్లో అత్యంత వేగంగా 50 వికెట్లు తీసిన బౌలర్‌గా చరిత్ర సృష్టించాడు. కేవలం 30 మ్యాచుల్లో ఈ ఫీట్‌ను సాధించి శభాష్ అనిపించుకున్నారు.
అంతకుముందు ఈ రికార్డు చాహల్ పేరిట ఉన్న విషయం తెలిసిందే.
Details
భువనేశ్వర్ కుమార్ రికార్డును బద్దలు కొట్టిన కుల్దీప్ యాదవ్
యుజేంద్ర చాహల్ 34 మ్యాచుల్లో ఈ ఘనతను సాధించి తర్వాతి స్థానంలో నిలిచారు. ఇక జస్ప్రిత్ బుమ్రా 41, రవిచంద్రన్ అశ్విన్ 42, భువనేశ్వర్ 50 మ్యాచుల్లో ఈ ఘనత సాధించిన ఆటగాళ్లుగా నిలిచారు.
అదే విధంగా టీ20ల్లో విండీస్‌పై అత్యధిక వికెట్లు పడగొట్టిన టీమిండియా బౌలర్‌గా కుల్దీప్ యాదవ్ రికార్డుకెక్కాడు. విండీస్ పై 7 మ్యాచులాడి 15 వికెట్లను తీశాడు.
ఈ క్రమంలో భువనేశ్వర్ కుమార్ రికార్డును యాదవ్ బద్దలు కొట్టాడు. భువనేశ్వర్ కుమార్ 18 మ్యాచుల్లో 15 వికెట్లు పడగొట్టాడు.