BCCI Central Contracts : బీసీసీఐ సెంట్రల్ కాంట్రాక్ట్‌ల్లో భారీ మార్పులు.. 34 మందికి అవకాశం.. ఇషాన్, శ్రేయస్ రీఎంట్రీ!
ఈ వార్తాకథనం ఏంటి
భారత క్రికెట్ నియంత్రణ మండలి (బీసీసీఐ) 2024-25 సీజన్‌కు సంబంధించి సెంట్రల్ కాంట్రాక్ట్ జాబితాను అధికారికంగా ప్రకటించింది.
గత సీజన్‌లో జాబితాలో చోటు దక్కించుకోలేకపోయిన శ్రేయస్ అయ్యర్, ఇషాన్ కిషన్‌లకు తాజా జాబితాలో తిరిగి స్థానం దక్కింది.
ఇది ఈ ఇద్దరు క్రికెటర్లకు ఊరట కలిగించే వార్తగా మారింది. టీ20 ఫార్మాట్‌కు వీడ్కోలు పలికినప్పటికీ, భారత క్రికెట్‌లో కీలక స్థానం ఉన్న విరాట్ కోహ్లీ, రోహిత్ శర్మ, రవీంద్ర జడేజా గతంలోలాగే A+ కేటగిరీలో కొనసాగుతున్నారు.
వారి సరసన జస్ప్రీత్ బుమ్రా కూడా ఈ అత్యున్నత కేటగిరీలో ఉన్నాడు. రిషభ్ పంత్ గత సీజన్‌లో B గ్రేడ్‌లో ఉండగా, తాజా జాబితాలో అతను A గ్రేడ్‌కు పదోన్నతి పొందాడు.
Details
యువ ఆటగాళ్లకు అవకాశం
ఈ జాబితాలో రజత్ పాటిదార్, నితీష్ కుమార్ రెడ్డి, హర్షిత్ రాణా వంటి యువ ఆటగాళ్లకు తొలిసారి కేంద్ర కాంట్రాక్టులు లభించడం గమనార్హం.
బీసీసీఐ ఈసారి కూడా ఆటగాళ్లను నాలుగు గ్రేడ్లుగా విభజించింది: A+, A, B, C. గ్రేడ్‌ను బట్టి వార్షికంగా అందే పారితోషికం కూడా నిర్ణయించారు.
గ్రేడ్ A+ - రోహిత్ శర్మ - విరాట్ కోహ్లీ - జస్ప్రీత్ బుమ్రా - రవీంద్ర జడేజా
గ్రేడ్ A - మహ్మద్ సిరాజ్ - కేఎల్ రాహుల్ - శుభ్‌మన్ గిల్ - హార్దిక్ పాండ్యా - మహ్మద్ షమీ - రిషభ్ పంత్
Details
గ్రేడ్ B
- సూర్య కుమార్ యాదవ్ - కుల్దీప్ యాదవ్ - అక్షర్ పటేల్ - యశస్వి జైస్వాల్ - శ్రేయస్ అయ్యర్
గ్రేడ్ C
రింకూ సింగ్ - తిలక్ వర్మ - రుతురాజ్ గైక్వాడ్ - శివం దూబే - రవి బిష్ణోయ్ - వాషింగ్టన్ సుందర్ - ముఖేష్ కుమార్ - సంజూ శాంసన్ - అర్ష్‌దీప్ సింగ్
ప్రసిద్ధ్ కృష్ణ - రజత్ పాటిదార్ - ధ్రువ్ జురేల్ - సర్ఫరాజ్ ఖాన్ - నితీష్ కుమార్ రెడ్డి - ఇషాన్ కిషన్ - అభిషేక్ శర్మ - ఆకాష్ దీప్ - వరుణ్ చక్రవర్తి - హర్షిత్ రాణా
Details
జీతాల వివరాలు (సెంట్రల్ కాంట్రాక్ట్ పరంగా)
A+ గ్రేడ్ ఆటగాళ్లకు సంవత్సరానికి రూ. 7 కోట్లు
A గ్రేడ్ ఆటగాళ్లకు రూ. 5 కోట్లు
B గ్రేడ్ ఆటగాళ్లకు రూ. 3 కోట్లు
C గ్రేడ్ ఆటగాళ్లకు రూ. 1 కోటి
ఈ విధంగా బీసీసీఐ విడుదల చేసిన తాజా కాంట్రాక్ట్ జాబితా అనేకమందికి ఊహించని మార్పులను తీసుకొచ్చింది. యువ ఆటగాళ్లకు అవకాశం ఇచ్చినట్టు స్పష్టంగా కనిపిస్తోంది.