ఎంఎస్ ధోనిలా ఎప్పుడూ అతడిని చూడలేదు.. మహీపై హార్ధిక్ పాండ్యా ఇంట్రెస్టింగ్ కామెంట్స్
ఈ వార్తాకథనం ఏంటి
ఇండియన్ ప్రీమియర్ లీగ్ లో భాగంగా క్వాలిఫయర్ 1 మ్యాచులో గుజరాత్ టైటాన్స్, చైన్నై సూపర్ కింగ్స్ తలపడనున్నాయి. చైన్నైలోని చెపాక్ వేదికగా మంగళవారం ఈ మ్యాచ్ ప్రారంభం కానుంది. ఈ మ్యాచులో గెలిచిన జట్టు నేరుగా ఫైనల్ కు చేరుతుంది. ఓడిన జట్టుకు క్వాలిఫయర్ 2 రూపంలో మరో అవకాశం ఉంటుంది. ఈ నేపథ్యంలో రెండు సమఉజ్జీల మధ్య ఆసక్తికర పోరు జరగనుంది. ఈ సందర్భంగా మహేంద్ర సింగ్ ధోనిపై హార్ధిక్ పాండ్యా ఆసక్తికర వ్యాఖ్యలు చేశాడు. తానెప్పుడూ ధోని అభిమానినే అంటూ పాండ్యా చెప్పుకొచ్చాడు. ధోని చాలా సీరియస్ గా ఉంటాడని చాలామంది అనుకుంటారని, తాను మాత్రం అతనితో జోకులు వేస్తానని, అతన్ని ఎప్పుడూ మహేంద్ర సింగ్ ధోనిలాగా చూడలేదన్నారు.
Details
భావోద్వేగానికి గురైన హార్ధిక్
ధోని నుంచి చాలా విషయాలు నేర్చుకున్నాని, అతనిలో మాట్లాడకపోయినా చూసి చాలా విషయాలను తెలుసుకున్నానని, ధోని మంచి స్నేహితుడు, ప్రియమైన సోదరుడు అని హార్ధిక్ పాండ్యా తెలియజేశాడు. ధోనిని ఎవరైనా ద్వేషించే అతడు కచ్చితంగా ఓ దెయ్యం అయి ఉంటాడని పేర్కొన్నాడు. ధోనీతో తనకున్న అనుబంధం గురించి చెబుతూ హార్ధిక్ భావోద్వేగానికి లోనయ్యాడు. గతేడాది పాయింట్ల పట్టికలో మొదటి స్థానంలో గుజరాత్ టైటాన్స్.. ఈ సారి కూడా అగ్రస్థానంలో నిలిచి ఫ్లే ఆఫ్స్ కు అర్హత సాధించింది. ఇక ఎలిమినేటర్ మ్యాచ్ బుధవారం లక్నో సూపర్ జెయింట్స్, ముంబై ఇండియన్స్ మధ్య జరగనుంది.