IPL 2024 : ఐపీఎల్‌లో నయా రూల్.. ఇక బ్యాటర్లకు కష్టాలు తప్పవు!
ఈ వార్తాకథనం ఏంటి
ఇండియన్ ప్రీమియర్ లీగ్ (IPL) 17వ సీజన్ మరి కొద్ది నెలల్లో ప్రారంభం కానుంది. ఈ టోర్నీ కోసం మినీ వేలం జరుగుతోంది.
అయితే వచ్చే ఏడాది జరిగే ఐపీఎల్ టోర్నీలో ఓ కొత్త రూల్ ను తీసుకొస్తున్నట్లు తెలిసింది.
ఓవర్‌కు రెండు బౌన్సర్లు వేసేలా బౌలర్లకు అవకాశం ఇవ్వనున్నట్లు పలు ఆంగ్ల మీడియా సంస్థలు కథనాలు వెల్లడిస్తున్నాయి.
బంతికి, బ్యాట్‌కు మధ్య పోటీని మరింత పెంచేలా బీసీసీఐ (BCCI) ఈ నిర్ణయం తీసుకున్నట్లు తెలిసింది.
ఇప్పటికే సయ్యద్ ముస్తాక్ అలీ ట్రోఫీలో ఈ రూల్ పరీక్షించారు.
Details
బౌలర్లకు ఉపయోగపడుతుందన్న జయదేవ్ ఉనద్కత్
బౌలర్లకు అనుకూలంగా ఉండే ఈ రూల్ బ్యాటర్ల బాదుడుకు అడ్డుకట్ట వేసినట్లే అని చెప్పాలి.
ఇప్పటికే ఐసీసీ (ICC) వన్డే, టెస్టుల్లో ఓవర్‌కు రెండు బౌన్సర్లను అనుమతిస్తుండగా, టీ20 ఫార్మాట్లో ఒక బౌన్సర్‌కే అనుమతి ఉంది.
ఇప్పటికే 16వ సీజన్‌లో ఇంపాక్ట్ ప్లేయర్ నిబంధన తీసుకొచ్చిన విషయం తెలిసిందే.
వచ్చే సీజన్‌లోనూ ఇంపాక్ట్ ప్లేయర్ రూల్ కొనసాగుతుందని బీసీసీఐ వర్గాల సమాచారం.
ఈ నిబంధన బౌలర్లకు ఉపయోగపడుతుందని బౌలర్ జయదేవ్ ఉనద్కత్ పేర్కొన్నారు.
ఈ చిన్న మార్పు గెలుపోటములను ఎంతగానో ప్రభావితం చేస్తుందని తెలిపారు.