PBKS vs CSK: థ్రిల్లింగ్ మ్యాచ్ లో పంజాబ్ గెలుపు
ఈ వార్తాకథనం ఏంటి
పంజాబ్ కింగ్స్ తో జరిగిన సొంత మైదానంలో చైన్నై సూపర్ కింగ్స్ ఓటమిపాలైంది. చివరి బంతి వరకు ఉత్కంఠంగా సాగిన మ్యాచ్ లో చివరికి పంజాబ్ నే విజయం వరించింది. మొదట బ్యాటింగ్ చేసిన చైన్నై నిర్ణీత 20 ఓవర్లలో 4 వికెట్లు నష్టపోయి 200 పరుగుల భారీ స్కోరును చేసింది. ఓపెనర్ డెవాన్ కాన్వే 52 బంతుల్లో 16 ఫోర్లు, ఒక సిక్సర్ సాయంతో 92 పరుగులు చేసి విజృంభించాడు. చివర్లో శివందూబే28(17) , ధోని 13(4) పరుగులతో చెలరేగారు. పంజాబ్ బౌలర్లలో అర్షదీప్ సింగ్, సామ్ కర్రన్, సికిందర్ రాజా తలా ఓ వికెట్ సాధించారు.
Details
చివరి బంతికి విజయాన్ని అందుకున్న పంజాబ్
లక్ష్య చేధనకు బ్యాటింగ్ కు దిగిన పంజాబ్ చివరి బంతికి విజయాన్ని అందుకుంది. పంజాబ్ బ్యాటర్లలో ఫ్రబ్ సిమ్రాన్ సింగ్ 42, లివింగ్ స్టోన్ 40, ధావన్ 28, సామ్ కర్రన్ 29, జితేష్ వర్మ 21 పరుగులు చేశారు. చివరి ఓవర్లో 9 పరుగులు అవసరం కాగా.. పంజాబ్ మొదటి రెండు బంతుల్లో రెండు పరుగులు సాధించింది. చివరి నాలుగు బంతుల్లో ఏడు పరుగులు చేసింది. జితేష్ శర్మ చివరిబంతికి మూడు పరుగులు చేసి పంజాబ్ ను విజయతీరాలకు తేర్చాడు. పంజాబ్ 20 ఓవర్లలో 6 వికెట్ల నష్టానికి 201 పరుగులు చేసింది. చైన్నై బౌలర్లలో దేశ్ పాండ్ 3 వికెట్లు, జడేజా రెండు వికెట్లు, పతిరణ ఒక వికెట్తో ఫర్వాలేదనిపించారు.