PV Sindu: పెళ్లి పీటలెక్కనున్న పి.వి.సింధు.. వరుడు ఎవరంటే?
ఈ వార్తాకథనం ఏంటి
ప్రముఖ బ్యాడ్మింటన్ క్రీడాకారిణి, రెండు ఒలింపిక్ పతకాల విజేత, ప్రపంచ మాజీ ఛాంపియన్ పివి.సింధు పెళ్లి పీటలెక్కనుంది.
హైదరాబాద్‌కు చెందిన పోసిడెక్స్ టెక్నాలజీస్ ఎగ్జిక్యూటివ్ డైరెక్టర్ వెంకట దత్త సాయి ఆమె జీవిత భాగస్వామిగా మారబోతున్నారు.
ఈ జంట వివాహం డిసెంబరు 22న రాజస్థాన్‌లోని ఉదయ్‌పుర్‌లో జరగనుంది. సింధు తండ్రి పివి. రమణ పెళ్లి గురించి తెలియజేశారు.
తమ కుటుంబాలు చాలా కాలంగా సన్నిహితంగా ఉన్నాయని, కానీ నెల క్రితమే ఈ వివాహ నిర్ణయం తీసుకున్నామని చెప్పారు.
జనవరి నుండి సింధుకు టోర్నీలు ఉండడంతో డిసెంబరు 22నే వివాహ వేడుకకు తగిన ముహూర్తం చూసుకున్నామని తెలియజేశారు.
Details
డిసెంబర్ 22న వివాహం
డిసెంబరు 24న హైదరాబాద్‌లో ఆత్మీయులకు విందు ఏర్పాటు చేస్తున్నామన్నారు.
ఈ వేడుకకు కుటుంబసభ్యులు, స్నేహితులు, ప్రముఖులు హాజరుకానున్నారు.
డిసెంబర్ 20 నుంచి పెళ్లి వేడుకలు ప్రారంభం కానున్నాయి. 22 ఉదయ్‌పుర్‌లో వివాహం, 24న హైదరాబాద్‌లో రిసెప్షన్ జరగనుంది.