IPL 2026: రింకూ సింగ్ సరికొత్త రికార్డు.. రస్సెల్ రికార్డు బద్దలు
ఈ వార్తాకథనం ఏంటి
ఐపీఎల్లో కోల్కతా నైట్ రైడర్స్ జట్టుకు చెందిన రింకూ సింగ్ అరుదైన ఘనత సాధించాడు. జట్టు తరఫున అత్యధిక క్యాచ్లు పట్టిన అవుట్ఫీల్డర్గా చరిత్రలో నిలిచాడు. ఈ క్రమంలో ఆండ్రే రస్సెల్ రికార్డును అధిగమించాడు. ఐపీఎల్ 2026 సీజన్లో భాగంగా హైదరాబాద్ జట్టుతో జరిగిన మ్యాచ్లో రింకూ ఈ రికార్డు సాధించాడు. కోల్కతాలోని ఈడెన్ గార్డెన్స్ మైదానంలో జరిగిన ఈ మ్యాచ్లో రెండు అద్భుతమైన క్యాచ్లు పట్టి ఈ ఘనత అందుకున్నాడు.
వివరాలు
అత్యధిక క్యాచ్లు పట్టిన వీరుడు..
మ్యాచ్లో తొమ్మిదో ఓవర్లో ఇషాన్ కిషన్ ఇచ్చిన క్యాచ్ను రింకూ సులభంగా పట్టాడు. ఈ వికెట్ ముజరబానీ బౌలింగ్లో వచ్చింది. తర్వాత పదో ఓవర్లో ఎడమ వైపు పరుగెత్తి అనికేత్ వర్మ క్యాచ్ను కూడా అందుకున్నాడు. ఈ వికెట్ అనుకూల్ రాయ్ ఖాతాలోకి వెళ్లింది. ఇప్పటివరకు 61 మ్యాచ్లు ఆడిన రింకూ సింగ్ మొత్తం 41 క్యాచ్లు పట్టాడు. ఈ క్రమంలో 133 మ్యాచ్ల్లో 40 క్యాచ్లు పట్టిన రస్సెల్ రికార్డును దాటేశాడు. ఇక సునీల్ నరైన్ 36 క్యాచ్లతో తర్వాత స్థానంలో ఉన్నాడు.