Rohit Sharma: మరో రికార్డుకు అడుగు దూరంలో రోహిత్ శర్మ
ఈ వార్తాకథనం ఏంటి
టీమిండియా స్టార్ క్రికెటర్ రోహిత్ శర్మ మరో అద్భుతమైన రికార్డ్‌కు మూడు సిక్స్‌ల దూరంలో ఉన్నాడు. కొద్ది గంటల్లో రాంచిలో జరగనున్న భారత-దక్షిణాఫ్రికా తొలి వన్డేలో రోహిత్ ఆ రికార్డ్ సాధించాలన్న అభిమానులు ఆశిస్తున్నారు. ప్రస్తుతం వన్డేల్లో రోహిత్ ఇప్పటి వరకు 349 సిక్స్‌లు బాదాడు. పాకిస్థాన్ మాజీ క్రికెటర్ షాహిద్ అఫ్రిది 351 సిక్స్‌లతో ఈ జాబితాలో అగ్రస్థానంలో ఉన్నాడు. రోహిత్ మరో రెండు సిక్స్‌లు కొడితే అఫ్రిది సమానికి చేరుతాడు, మూడు సిక్స్‌లు కొడితే అతన్ని అధిగమించి అత్యధిక సిక్స్‌ల రికార్డ్‌ను సొంతం చేసుకుంటాడు. ఆస్ట్రేలియా టూర్‌లో సూపర్ సెంచరీతో అదరగొట్టిన రోహిత్ ఫామ్‌ను కొనసాగిస్తే రాంచి వన్డేలోనే రికార్డ్ బ్రేక్ అవుతుందని విశ్లేషకులు అంచనా వేస్తున్నారు.
Details
వన్డే ఫార్మాట్ లోనే కొనసాగుతున్న హిట్ మ్యాన్
రోహిత్ బౌన్సర్లను పుల్ షాట్‌లో సిక్స్‌లుగా మార్చే ప్రత్యేక సామర్థ్యానికి ప్రసిద్ధి చెందాడు. టీ20, టెస్ట్ క్రికెట్‌కు రిటైర్మెంట్ ప్రకటించిన రోహిత్ శర్మ ప్రస్తుతం కేవలం వన్డే ఫార్మాట్‌లోనే కొనసాగుతున్నాడు. 2027లో దక్షిణాఫ్రికాలో జరగనున్న వన్డే వరల్డ్ కప్‌లో టీమ్‌ఇండియాకు ప్రాతినిధ్యం వహించడమే అతని ప్రధాన లక్ష్యం. ఫిట్‌నెస్‌ను మెరుగుపరిచి, బరువు తగ్గి స్లిమ్‌గా మారిన రోహిత్, ఆసీస్ టూర్‌లో కూడా బ్యాటింగ్‌లో తన ప్రతిభను నిలబెట్టాడు. వయసు పెరుగుతున్నా, పరుగుల పట్ల అతని దాహం ఇంకా తగ్గలేదని నిరూపిస్తున్నాడు.
Details
వన్డే క్రికెట్‌లో అత్యధిక సిక్స్‌ల రికార్డు ఉన్న క్రీడాకారులు
1. షాహిద్ అఫ్రిది (పాకిస్థాన్) - 351 సిక్స్‌లు 2. రోహిత్ శర్మ (భారత్) - 349* సిక్స్‌లు 3. క్రిస్ గేల్ (వెస్టిండీస్) - 331 సిక్స్‌లు 4. సనత్ జయసూర్య (శ్రీలంక) - 270 సిక్స్‌లు 5. ఎం.ఎస్. ధోని (భారత్) - 229 సిక్స్‌లు