సూర్యకుమార్ యాదవ్‌కు వరల్డ్ జట్టులో చోటు కష్టమే : సునీల్ గవాస్కర్
ఈ వార్తాకథనం ఏంటి
ఆస్ట్రేలియాతో జరిగిన వన్డే సిరీస్‌లో టీమిండియా స్టార్ బ్యాటర్ సూర్యకుమార్ యాదవ్ అద్భుతంగా రాణించారు.
వరుసగా రెండు వన్డేల్లో హాఫ్ సెంచరీతో చెలరేగిన సూర్య, మూడో వన్డేలో నిరాశపరిచాడు. ముఖ్యంగా వరల్డ్ కప్ ముందు సూర్య, వన్డేలో ఫామ్‌లోకి రావడం శుభపరిణామం.
ఈ నేపథ్యంలో సూర్యకుమార్‌ను ఉద్ధేశించి టీమిండియా మాజీ దిగ్గజం సునీల్ ఆసక్తికర వ్యాఖ్యలను చేశాడు.
ఆసీస్‌తో జరిగిన వన్డే సిరీస్‌లో సూర్యకుమార్ అద్భుతంగా రాణించచనప్పటికీ, వరల్డ్ కప్ తుది జట్టులో చోటు కష్టమేనని సునీల్ గవాస్కర్ అభిప్రాయపడ్డాడు.
వన్డే క్రికెట్‌లో సూర్యకుమార్ ఇప్పటివరకూ చెప్పుకోదగ్గ ప్రదర్శన చేయలేకపోయాడని పేర్కొన్నారు.
Details
సూర్యకుమార్ యాదవ్ శతకం సాధించి నిరూపించుకోవాలి
వన్డే క్రికెట్‌లో సూర్య చివరి 15 నుంచి 20 ఓవర్లు మాత్రమే బ్యాటింగ్ చేశాడని, ఆ సమయంలో టీ20 ఫార్మాట్ మాదిరిగా ఆడుతాడని, టీ20ల్లో అద్భుతమైన ఆటగాడనడంలో ఎలాంటి సందేహం లేదని సునీల్ గవాస్కర్ తెలిపారు.
కానీ హార్ధిక్, కేఎల్ రాహుల్, ఇషాన్ కిషాన్ కూడా ఆఖరి ఓవర్లో అద్భుతంగా రాణిస్తున్నారన్నారు.
సూర్యకు ప్లేయింగ్ ఎలెవన్‌లో చోటు దక్కడం చాలా కష్టమని, ఇప్పటికే నాలుగో స్థానంలో శ్రేయస్ అయ్యర్ అదరగొడుతున్నాడని, ఒకవేళ నెంబర్ 4లో సూర్యకు అవకాశం లభిస్తే భారీ శతకం సాధించి నిరూపించుకోవాలని చెప్పారు.
Details
వన్డే ప్రపంచ కప్ కోసం భారత్ తుది జట్టు ఇదే
భారత క్రికెట్ ప్రపంచ కప్ జట్టు
రోహిత్ శర్మ (సి), హార్దిక్ పాండ్యా (విసి), శుభమన్ గిల్, విరాట్ కోహ్లీ, శ్రేయాస్ అయ్యర్, కెఎల్ రాహుల్, రవీంద్ర జడేజా, శార్దూల్ ఠాకూర్, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, మహ్మద్ షమీ, రవిచంద్రన్ అశ్విన్ ఇషాన్ కిషన్, సూర్యకుమార్ యాదవ్.