బంగ్లాదేశ్ పర్యటనకు టీమిండియా మహిళల జట్టు ప్రకటన.. ఆ ఇద్దరికి షాక్!
బంగ్లాదేశ్ పర్యటనకు వెళ్లే భారత మహిళల వన్డే, టీ20 జట్టును బీసీసీఐ ప్రకటించింది. బంగ్లాదేశ్ తో జరగనున్న మూడు టీ20ల మ్యాచ్, వన్డే సిరీస్ లకు మహిళల సెలక్షన్ కమిటీ భారత్ జట్టును ఎంపిక చేసింది. మొత్తం ఆరు మ్యాచులు మీర్పూర్‌లోని షేర్-ఎ-బంగ్లా నేషనల్ క్రికెట్ స్టేడియంలో జరగనున్నాయి. హర్మన్ ప్రీత్ కౌర్ రెండు ఫార్మాట్లకు కెప్టెన్ గా వ్యవహరిస్తుండగా, మంధాన వైస్ కెప్టెన్‌గా వ్యవహరించనుంది. యువ వికెట్ కీపర్ రిచా ఘోష్, వెటరన్ స్పిన్నర్ రాజేశ్వరి గైక్వాడ్‌లకు చోటు దక్కలేదు. రిచా ఘోష్ స్థానంలో అసోం యువ వికెట్ కీపర్ ఉమా ఛైత్రికి అవకాశం లభించింది. ఈ జులై 9 నుంచి ప్రారంభమై జులై 22 వరకు కొనసాగుతుంది.
బంగ్లాదేశ్ పర్యటనకు వెళ్లే టీమిండియా జట్టు ఇదే
టీమ్ ఇండియా టీ20 జట్టు: హర్మన్‌ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), దీప్తిశర్మ, షెఫాలీ‌వర్మ, జెమీమారోడ్రిగ్స్, యాస్తికాభాటియా (వికెట్ కీపర్), హర్లీన్ డియోల్, దేవికవైద్య, ఉమాఛెత్రి (వికెట్ కీపర్), స్మాన్‌జోత్‌కీపర్ మేఘన, పూజావస్త్రాకర్, మేఘనాసింగ్, అంజలి సరవాణి, మోనికా పటేల్, రాశికనౌజియా, అనూషా బరేడి, మిన్నుమణి. టీమ్ ఇండియా వన్డే జట్టు: హర్మన్‌ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), దీప్తిశర్మ, షఫాలీవర్మ, జెమీమారోడ్రిగ్జ్, యాస్తికాభాటియా (వికెట్ కీపర్), హర్లీన్ డియోల్, దేవికవైద్య, ఉమాఛెత్రి (వికెట్ కీపర్, అమంజోత్), అమంజోత్ పునియా, పూజావస్త్రాకర్, మేఘనాసింగ్, అంజలిసరవాణి, మోనికా పటేల్, రాశి కనౌజియా, అనూషా బరేడి, స్నేహరానా.
